Lucas 11:35 - Tradução Bíblica Pacaas Novos

³⁵ Je ca tomi' xim ca': Ma' tara xumum me. Howa xo' iri main capijacon Iri' Jam ne, ac ca toha mi' quem na naran pain xumum. Mo ta howa xo' inain xi' ma paxi' ma pain ca om howa xo' main ma' quem, ac ca pe main xim na, ac ca om toha mi' quem na naran pain xumum.

Lucas 11:35 Iomraidhean Croise

Mateus 6:22

Ac naran nein cwerexi' na tocoxi' quem ac tococwa na. Ac ca toha capari' na pain cwerexi', ac ca tom xuruxut iri' na pain ca toha capari' tocoxi'. Je ca tomi' xuhu' ca', tomi' inem pain ca toha xo' ne tucum ma'. Mo ta toha xo' quem tucum ma', toha toha pi' pin ac nein tara cwerem.

Lucas 11:34

Ac naran nein cwerexi' na tocoxi' quem ac tococwa na. Ac ca toha capari' na pain cwerexi', ac ca tom xuruxut iri' na pain ca toha capari' tocoxi'. Je ca tomi' xuhu' ca', tomi' inem pain ca toha xo' ne tucum ma'. Mo ta toha xo' quem tucum ma', toha toha pi' pin ac nein tara cwerem. Om iri na ca toha xo' quem ne, pe ac main na ca jitacat nein xim.

Lucas 11:36

Je ca tomi' xim ca': Mo ta howa mapa' pain ca tomi' hwet xim pain capijacon Iri' Jam ca', mo ta om howa camain' main oro ca pijim' ximao wa ca an xiho' nain ca jitacat nein xim ma', ac ca pe main xec na, ac ca toha mi' quem na naran pain xumum ta na ca tomi' tococwa ma'.

Romanos 1:22

Coromicat xo' urut ta paxi' nana, ane om coromicat xo' caca ne. Tamanain pin nana.

2 Pedro 1:9

Wari' co om ara nain ca tomi' mi' xuhu' ca' iri na ne, ac ca om ne na tocon, ac ca paxi' pe ca na, xi taraju pa' ca ta. Ji'am pin nain ca ara nucun Iri' Jam pane, pain ca xic am pin qui' cain ca caracat nucun pane.

2 Pedro 2:18

Xi tomi' xec xec ximama' ara cocon oro co witan ca' xun paxi' nonon oro win ma' caca co pan teretem nana ma'. Hohot na pain ca ara hwein ca param ximama' ne curuhu' ta tata.

Apocalipse 3:17

Tomi' ac i ca' hwe: Caramaju urut, mija naparut oro carawa. Om na carawa ca om naparut, ma' ma' pi' pin naparut oro carawa ca param urut, ac i ma' paxi' na ca tomi' hwe ma'. Ane om querec pin' hwein ca ximin nuhu' ne. Xiram pa' inuhu' ta. Xi querec pin' xujuhu' pain ca om cuhu' iri' carawa ta. Om na tucuhu', om na womuhu' quem.