Lucas 11:27 - Tradução Bíblica Pacaas Novos

²⁷ Tomi' tomi' wet na Jeju, tomi' ac cama na narima' co pe ho' nonon oro wari' co taraju nonon ma': Iri' Jam ma', param mi' nam pain ca awi wa jim ta. Param mi' nam pain ca awi wa, xi om ne ca wijima ara quem pane ta. Mi' nem pain catat pane quem na ca tomi' cama ma'.

Lucas 11:27 Iomraidhean Croise

Lucas 1:28

Hwet iri nam ne, tomi' ac cam na: Maqui' ina ta Maria. Tomi' querec te ra inem, xi om ne ca param mi' ara quem, pain ca awi wa Iri' Jam co Iri' Taramaxicon ta. Pe ho' nem quem na ca tomi' cam ma'.

Lucas 1:42

Tomi' ac cama na, tomi' mip na: Tomi' querec te nem Iri' Jam ta Maria, tomi' querec te tiquin' ca' nem cacam oro xequequem narima' pain oro xijein macan' ta. Param mi' nem pain ca awi wa. Ac i ma' non cawinam co pan' ta' ma' pum quem. Tomi' querec te non, param mi' non pain ca awi wa ta.

Lucas 1:48

Om paxi' na ca hwara' opa camain' ta' pain ca taramaja mi' ton ca'. Ane xiram pa' pan capa' ne. Param mi' nam pain ca awi wa Iri' Jam ta tatara oro wari' pata'. Mao ac ne ma' tara pain ca tomi' cara ac i ma' caca pata'.

Lucas 11:26

Hwet mao mami' ac ca na, o qui' 7 ac tococwa na oro win caxicon jam ca co om awi camain' nana ma'. Maji ta, corom to ho' xun co cwain co wara corom pe ho' ta' pane, corom to ho' pin ac cocon na. Pan tem paxi' na caxicon jam co o pan nonon oro win caxicon jam ca ma'. Ane pan teretem tamana pan caca co o qui' ca ma' ne. Ximin tamana pin ac ca na wari' pain ca corom to ho' cocon ma' quem. Ca ma' xica' pe qui' con caxicon jam pane, amon ximin pije' paxi' na ira. Pain ca ma' mija pin cocon ma' iri na ne, ximin tamana pin ac ca na quem na ca tomi' tococwa ma'.

Lucas 23:29

Xi maqui' ta' ara ne xec nein ca jain jain tamana xi' caca oro wari'. Tomi' ac xujuhu' tara: Tomi' querec te pan nana oro narima' co om nam' nana ma', co om wijima camain' nana ma', co om nanam pije' co xoc catat ma' quem, ac i ma' tara ca tomi' xujuhu'.