Lucas 11:22 - Tradução Bíblica Pacaas Novos

²² Mo ta maqui' ca xucun wari' co hwara' opa tiquin' ca' non ma'. Mo ta to' quiji' pin con, horohot ca' ac con tara pain oro ca mam' tac caho' xucun ca howa paxi' ca ma', cut ca' ac con tara pain oro caramaxicon ma' quem, cut mi' tiquin' ac tococwa tara pain oro win ma' ca ma' quem ta nonon.

Lucas 11:22 Iomraidhean Croise

Lucas 11:21

Je ca tomi' xuhu' ca' ac tococwa na. Wari' co hwara' opa ma', co mam' nain ho' nain xiricon pain cote ne quit je pana ma', mo ta nain ho' xo' cain xiricon cocon oro wari' ma', om ta cut noc xa ac xine caramaxicon.

Lucas 11:23

Wari' co om xin ne nain ca tomi' ne ca', wirico co noc napa'. Wari' co om quep xiho' napa', wirico co to' i'ina napa' pain ca taramaja ne ta ac tococwa na.

Efésios 6:11

Cut cut pi' pin jein oro ca mam' narain ho' xujuhu' ca mi' cuhu' Iri' Jam ma'. Ma' ta ha' cuhu' pain ca hwara' opa hwe pain ca mixein mixein joc camara' pin xim cuhu' Caxicon Jam ta.

Efésios 6:13

Je ta cut pi' pin qui' hwein oro ca mam' narain ho' xujuhu' ca mi' cuhu' Iri' Jam ta. Maqui' iri tara xec nein ca joc camara' pin xim cuhu' Caxicon Jam ne, na ac cuhu' tara pain ca mam' mixita hun pain oro ca mam' narain ho' xujuhu' ca mi' cuhu' Iri' Jam. Hwara' opa hwara' opa to wet ac hwe ma' tara ta.

Colossenses 2:15

To' quiji' pin iri tata oro caxicon jam co taramaxicon nana ma', co hwara' opa paxi' nana ma', querec pin' querec pin' pi' pin ac tococwa na pain ca hwara' opa hwara' opa om pin caca ma'. Wirico Iri' Jam co hwara' opa tamana ma', xi om ne ca ara pan ara ca Cristo pain ca mi' pin pe cain pana ta.

1João 3:8

Wari' nucun Caxicon Jam na co ma' co caracat taxipa' ma', xi caracat taxipa' pan ara ca Caxicon Jam ta. Wara caracat qui' ara xi' nain ca xo' tomi' ma' ten qui' xine macan' pane. Je ca maqui' cain macan' Panxica Iri' Jam quem. Ma' ta to' om pin tain oro ca ara nucun Caxicon Jam ta na pane.

1João 4:4

Je ca tomi' xuhu' ca', pain ca ac ca mana panxita' xuhu' ne ca'. Wari' nucun Iri' Jam hwe ta. To' quiji' pin huhun oro co pijim' mixein nana ma'. Xi om ne ca hwara' opa ara ne Tamataracon Iri' Jam ca win cwere nuhu' ta. Hwara' opa tiquin' ca' non Caxicon Jam co win cwere nonon oro co om howa nonon Jeju ma'.