Lucas 11:20 - Tradução Bíblica Pacaas Novos

²⁰ Ane mi' pan capa' pain ca hwara' opa wa Iri' Jam ne. Je ca ha' capa' pain ca tomi' jein pin toton oro caxicon jam cwa'. Je ca to' querec pin' pan cuhu' pain ca maqui' pin ne xec nein ca taramaxicon pe ho' pin cuhu' Iri' Jam ta na ca tomi' tococwa ma'.

Lucas 11:20 Iomraidhean Croise

Mateus 12:28

Ane mi' pan capa' pain ca hwara' opa wa Tamataracon Iri' Jam ne. Je ca ha' capa' pain ca tomi' jein pin toton oro caxicon jam cwa'. Je ca to' querec pin' pan cuhu' pain ca maqui' pin ne xec nein ca taramaxicon pe ho' pin cuhu' Iri' Jam ta na ca tomi' tococwa ma'.

Mateus 3:2

Ca' na ca pijim' nucun: Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na.

Mateus 4:24

Taraju ac caca na oro wari' co to nanain pira pain oro xijein cidade pain Síria ma' quem. Quep xio nonon oro wari' Jeju ta na ca taraju nucucun. Je ca cut qui' cut qui' pi' pin tococwa oro wari' co caxi nana ma', co jain jain nana pain oro ca caxi tamana nucucun ma'. Mo nana: Co corom to ho' nonon caxicon jam ma', co pa' taxipa' nonon tamanain ma', co carama to nana ma', quep xio quep xio pi' pin ac tococwa na.

Lucas 10:11

Maho' urut pahu'. Wap camara' urut pain ximirinain macarahu' ca quep caparut pain caximaxut ca' pahu'. Ma' ta querec pin' xujuhu' pain ca pan teretem nuhu' pain ca noc hwein ca taraju wa ca pijim' nuxut ca' jujun. Tomi' ca' jujun quem: Mam' pe wet jein ca tomi' urut pahu' ca'. Wixicam pin na xec nein ca taramaxicon pe ho' toton oro wari' Iri' Jam ta jujun.

Lucas 10:9

Mo ta ma' caca oro win ma' caca co caxi nana, quep xio pin ac huhun tara. Tomi' ca' jujun quem: Wixicam pin na xec nein ca taramaxicon pe ho' xim cuhu' Iri' Jam ta jujun.

Lucas 11:21

Je ca tomi' xuhu' ca' ac tococwa na. Wari' co hwara' opa ma', co mam' nain ho' nain xiricon pain cote ne quit je pana ma', mo ta nain ho' xo' cain xiricon cocon oro wari' ma', om ta cut noc xa ac xine caramaxicon.

Atos 20:25

Taraju wet ho' xine ta ac tococwa na. Wahu' ma', pain ca taraju mahu' pain ca pijim' hwet xuhu' pane, pain ca pijim' hwet xuhu' con Iri' Jam pain ca taramaxicon pe ho' xim capari' ca', om ta querec mami' mahu' ta. Taxi' ina, om ta querec mami' mahu'.

2 Tessalonicenses 1:5

Oro ca ara nuhu' ma', je ca to' querec pin' cuhu' con Iri' Jam ma', pain ca hohot hohot pi' pin ne oro ca ara nucun ma', pain ca mi' toton cocon pain oro ca taramaja mi' caca oro wari' ma'. To' querec pin' nuhu' pain ca param nucun ma' quem, pain ca to' hohot inuhu', param inuhu' pain ca to ho' mahu' pain ca taramaxicon pe ta' ca' toton cuhu' ma' quem. Je ca jain jain hwe cocon oro wari' co quep em' nunuhu' pain ca pijim' mi' huhun con Iri' Jam co taramaxicon ma' quem.