Lucas 11:15 - Tradução Bíblica Pacaas Novos

¹⁵ Ane ma' caca co tomi' ca' nana ne: Om na, wirico Belzebu con, co taramaxicon nucucun oro caxicon jam ma', wirico co mi' non pain ca hwara' opa nucun. Wirico co mi' non pain ca tomi' jein pin cocon oro caxicon jam ta nonon.

Lucas 11:15 Iomraidhean Croise

Mateus 10:25

Carawa ca ara mi' tocwa co ca' na ma', ara mi' ac tocwa tara co ca' na wa ma' quem. Carawa ca ara mi' tocwa taramaxicon ma', ara mi' ac tocwa tara co taramaja mi' e' non ma' quem, je cwerein, hohot na ta je. Je ca tomi' xuhu' ca': Taramaxicon paxi' ina, ane tomi' noro cacapa' co noc nanapa' cwa' ne. Caxicon Jam ma ta nanapa'. Wahu' iri na pain ca wari' ne xuhu' ca' ne, tomi' xirac tamana tuturuhu' quem. Ac ca om tomi' xirac homa cacapa' na pain xocori ca'. Ame hwe e', tomi' xirac tamana pan tuturuhu' ta naparut.

Mateus 12:22

Ma' ac caca na wari' co o mi' nonon con Jeju wari' co corom pe ho' non caxicon jam. Om na tocon, om na capijacon quem. Quep xio pin ac con na Jeju. Tomi' pin ac ca na, querec pin' ac ca na quem.

Mateus 4:24

Taraju ac caca na oro wari' co to nanain pira pain oro xijein cidade pain Síria ma' quem. Quep xio nonon oro wari' Jeju ta na ca taraju nucucun. Je ca cut qui' cut qui' pi' pin tococwa oro wari' co caxi nana ma', co jain jain nana pain oro ca caxi tamana nucucun ma'. Mo nana: Co corom to ho' nonon caxicon jam ma', co pa' taxipa' nonon tamanain ma', co carama to nana ma', quep xio quep xio pi' pin ac tococwa na.

Mateus 9:34

Ane tomi' ximama' cocon oro fariseu ma' ne. Wirico taramaxicon nucucun oro caxicon jam co mi' non pain ca hwara' opa nucun. Wirico co mi' non pain ca tomi' jein pin cocon oro caxicon jam ta nonon.

João 10:20

Corom pe ho' con caxicon jam ma' ira! Tamanain pin na! Para taraju wet hwein ca tomi' nucun ma' nana.

João 7:20

Tamanain ma ta ac cocon na oro wari'. Corom pe ho' nem Caxicon Jam. Ma' co to' pa' pin xim nem quem nonon.

João 8:48

Tomi' ac cocon na Jeju oro taramaxicon ma'. Iri'o' na ca tomi' urut pum pane ac cocon na. Caxicon wari' ma. Ac wari' nein Samaria ma. Corom pe ho' quem Caxicon Jam ma' ira nonon.

João 8:52

Taxi' pin urut pum pain ca corom pe ho' quem Caxicon Jam ma' ta ac cocon na. Pain cara pane ca mi' pin ca hwanana nuxut Abraão pane. Pain cara pane ca cono' caca oro profeta pane quem. Je xi om tomi' ac i ma' ma pain ca wari' co tomi' ha' nain ca pijim' ne ca', om ta mi' pin camain' ca ta ma ma' quem? Cain' cain' xima quem?