Lucas 11:13 - Tradução Bíblica Pacaas Novos

¹³ Je ca tomi' xuhu' ca' ac tococwa na. Wahu' pain ca wari' hwe ma', caracat paxi' hwe, ane ma' ne xumuhu' ne. Xiram pa' taxi' huhun mana panxihwe pain ca mi' e' huhun pain carawa ca awi. Cain' cain' ca Cotere' co pe pawin cain quem? Om ta xiram pa' tamana pan ca quem? Om ta mi' cocon pain Tamataracon oro wari' co mi' ne nonon pain ra? Mi' pan totoron pain ta na ca tomi' tococwa ma'.

Lucas 11:13 Iomraidhean Croise

Mateus 5:16

Je ca tomi' xuhu' ca'. Ac i ma' tara ca toha ne naran nuhu' ta. Toha mi' jujun oro wari'. Ma' ta querec pin' cacain ca ara hwe ma', pain ca ara hwein ca awi wa ma'. Ma' ta awi na xin Iri' Jam ta cocon Cotere' co pe pawin pahu'.

Mateus 5:45

Ma' ta querec pin' xihwe pain ca an xiho' hun Cotere' co pe pawin ma', pain ca om noc taxipa' cocon oro wari' co noc pan nonon ma'. Win ne ca ja' toha con xina ma'. Toha toha mi' xam' tata oro wari', toha mi' tata co pan teretem nana ma', toha mi' tata co awi nana ma' quem. Ac i ma' na pain ca tomi' pan' cain xowi' quem. Pan' pa' pan' pa' xam' tata oro wari', pan' pa' tata co xuruxut xo' nana ma', pan' pa' tata co om xuruxut xo' nana ma' quem.

Mateus 6:14

Je ca tomi' xuhu' ca' ac tococwa na. Mo ta mana' mana' om pin huhun oro wari' pain ca caracat nucucun ma', pain ca ara cup cucuhu' ma', xic am pin ac cain tara ca caracat nuhu' Cotere' co pe pawin cwain.

Mateus 6:30

To' awi tamana paxi' nain hwijein pana Iri' Jam ma', ane om e' cara ne ne. Awi nain xec ca', xec cono' pin ac ne na, tom pin ac xine na quem. Ane querec wet cain Iri' Jam ne, to' awi tamana nain. Je ca tomi' xuhu' ca': Om ta querec wet mip cuhu' quem ra? Om ta mi' cuhu' con wom quem ra? Ac ca om howa mip hun a xira.

Mateus 6:32

Xi ac i ma' ara caca oro wari' co om howa nonon Iri' Jam ta. Tama' win xumu e' nanain carawa ca cao' wa, je carawa ca toc wa, wirico wom co to wa quem. Ane taxi' pan cuhu' Cotere' co pe pawin cwain ne, taxi' nuhu' pain ca om cuhu' carawa ca cao' wa. Taxi' nuhu' pain ca om cuhu' carawa ca toc wa. Taxi' nuhu' pain ca om cuhu' wom quem. Taxi' nuhu' pain ca ma' xirapari' na hwein quem.

Mateus 7:11

Je ca tomi' xuhu' ca' ac tococwa na. Wahu' pain ca wari' hwe ma', caracat paxi' hwe, ane ma' ne xumuhu' ne. Xiram pa' taxi' huhun mana panxihwe pain ca mi' e' huhun pain carawa ca awi. Cain' cain' ca Cotere' co pe pawin cain quem? Om ta xiram pa' tamana pan ca quem? Om ta mi' cocon pain carawa ca awi oro wari' co mi' ne nonon pain ra? Mi' pan totoron pain ta.

Lucas 11:12

Mo xi mi' ne con araxicun me cucuhu', cain' cain' xihwe quem? Mi' xuxun con cun hwe ra? Om na quem.

Lucas 11:2

Tomi' ac tococwa na: Tomi' xun iri jun ne, tomi' ca' jun: Coturut Iri' Jam. Param urut pum pain ca querec pin' querec pin' pi' pin quequem oro wari' pain ca awi tamana nem pain ca Iri' Jam nem. Param urut pum pain ca maqui' hap ne xec nein ca taramaxicon pe ho' taramaxicon pe ho' pi' pin momon oro wari' pain macan' ca' quem.

Lucas 18:7

Quep xiho' tam ta na. Om ta ac i ma' ca Iri' Jam quem ra? Om ta quep xiho' cocon oro wari' nucun co wara tora' ca ma', co tama' quep xiho' xut cocon oro wari' co mixein nanaparut cwa' nonon pain xec je pain xim quem ra? Miri'om cara totoron ra? Om ta miri'om cara cocon ta.

João 4:10

Om na, mo xi querec pin' main carawa ca mi' xim quem Iri' Jam ca', mo xi querec pin' mapa' pain ca cam mi' ne pain com xim ca' quem, cam mi' ne pain com pan ac mapa' xira, mi' ac xim xira pain iri' com ca to' e' cara nain ca wari' wa ta ac cam na.

Atos 2:38

Cwirin' pin jein ca caracat nuhu' ta ac cocon na Pedro. Ja' ja' pi' pin ac xihwe tara pain com quem. Ma' ta querec pin' xihwe pain ca howa pin hun Jeju Cristo. Ma' ta xic am pin cain ca caracat nuhu' Iri' Jam ma' quem. Mi' ac cuhu' tara pain Tamataracon.

Romanos 5:17

Caracat iri na wari' co xica' xat pane ne, cono' pin ac caca na oro wari'. Je cwerein, cono' pin iri' pain ca wari' nexi' ca'. Xi om ca wari' co xica' xat cara pane. Ane om ac i ma' ne ca ara ca xucun wari' co xica' xat cwa' quem, wirico Jeju cwa'. Tiquin' mao pan na ca ara ca ma'. Oro wari' co xiram pa' e' ca Iri' Jam ma', pain ca xiram pa' tamana ca ma', oro wari' co to' hohot pin ca ma', e' ac caca tara, e' hwara' opa ac caca tara quem. Xi om ca xucun wari' co xica' xat cwa', wirico Jeju Cristo cwa'.

Romanos 7:18

Taxi' pan xije. Om ca pe ho' camain' capa' ca awi wa, om ca pe ho' camain' capa' ca awi wa pain cwere pain xumu ca'. Ara xo' ta' paxi' ina, ane om ara xo' ta' ne. Om ca ara xo' ac ta'.

Romanos 8:32

Win ne ca om narain ho' capari' con Panxica pane, pain ca mi' pin caho' pin roron ta con pari' pane. Mi' napari' con, mi' mi' xam' napari' pain oro carawa con quem. Je ca tomi' xuhu' ca': Om ta mi' e' capari' pain oro carawa quem ra? Mi' e' tarapari' pain, xi wara mi' ara capari' con Panxica ta.

Tito 3:3

Tomi' ac i ca' inem, xi coromicat xo' iri' pain cara pane ta, pain ca om howa querec iri' pane. Win caca oro wari' co om howa nana pain xocori ca' quem. Om na ximixi' pane. Om ca tomi' ha' xun Iri' Jam quem. Hehe e' ururun co mixein nanapari', om ca ari xuxun. Ac ca quep xat capari' na oro ca param pan teretem nexi' pain oro ca waraju nexi' ca hohot napari' pane, om ca miri'om ac xixin. Ximin iri'. Pan teretem e' iri' pane, tama' noc mi' xijexi' pain oro ca ara iri' quem. Noc nanapari' oro wari', noc ururun pane quem.