Lucas 11:10 - Tradução Bíblica Pacaas Novos

¹⁰ Xi taraju wet ara tococwa oro wari' co mi' ne nonon pain carawa ta. Oro co tama' mi' ne nonon pain carawa ma', mi' mi' xam' ac tococwa pain tara. Oro co tama' pirao' nanain carawa ca param caca con, mam' ac cacain con tara. Oro co tama' tomi' nonon pain ca quep xiho' xut me cocon ma', co ac ca tama' tataca tataca cacain na manain xiricon ma', ac ca pa xat mi' tococwa pain tara man quem, quep xiho' ac tococwa tara quem.

Lucas 11:10 Iomraidhean Croise

Mateus 5:42

Mo ta mi' ne quem, pain caramajum wari' ma', mi' ac mon pain tara. Mo ta wajim' quem, pain, mo ta mi' in hwet xim pain quem. Ta miri'om mon me, mi' ron pain.

Mateus 7:8

Xi taraju wet ara tococwa oro wari' co mi' ne nonon pain carawa ta. Oro co tama' mi' ne nonon pain carawa ma', mi' mi' xam' ac tococwa pain tara. Oro co tama' pirao' nanain carawa ca param caca con, mam' ac cacain con tara. Oro co tama' tomi' nonon pain ca quep xiho' xut me cocon ma', co ac ca tama' tataca tataca cacain na manain xiricon ma', ac ca pa xat mi' tococwa pain tara man quem, quep xiho' ac tococwa tara quem.

Lucas 11:11

Wahu' pain ca wanxi' hwe ma', mo xi mi' ne con hwam cucuhu' mana panxihwe ma', cain' cain' xihwe quem? Mi' xuxun con em' hwe ra? Om na.

Lucas 11:9

Je ca tomi' xuhu' ca' ac tococwa na. Tama' mi' ne jun pain carawa ca param hwe Iri' Jam. Mi' ac cuhu' pain tara. Tama' pirao' jein carawa ca param hwe con. Mam' ac hwein con tara. Tama' tomi' jun pain ca quep xiho' xut ta hun ma' quem. Ac ca tataca hwein tara pana ca mam' tao' pa' nein manain xiricon ma', ac ca pa xat mi' cuhu' pain tara. Quep xiho' ac cuhu' tara quem.

Lucas 18:1

Pijim' ac tococwa na co taxipa' ca ma'. Pijim' joc mam' mi' tata cam narima' co tomi' ho' tomi' ho' non juiz pain carawa ca param cama ma'. Pijim' joc mam' mi' tata cam, ma' ta taraju pa' hwe pain ca na e' ne pain ca tomi' ho' tomi' ho' hun Iri' Jam ta tata. Ta naro camain' hwe pain ca tomi' ho' tomi' ho' hun me tata.

Tiago 4:3

Mi' xut pain iri hun ne, om ca mi' cuhu' pain, xi mi' xut pain xo' hun ta. Mi' xut pain paxi' hun, ane param e' hwein ne, ma' ta mam' waraju ximama' xi' pain ca param pan nexi' ta hwe ma'.

Tiago 5:11

Querec pin' ururun oro wari' co quereme cara nanain carawa ca to' i'ina nonon ma', querec pin' ururun pain ca param mi' pan cocon pain oro ca awi wa Iri' Jam ta. Wara taxi' ara xi' hwein i ma' cocon. Taxi' hun Jó cara pane. Quereme cara nain ca ximin nucun pane. Taxi' hun pain ca aram aram quep xiho' con Taramaxicon Iri' Jam quem. Xi om ne ca xiram pa' tamana taxipa' ara ca Taramaxicon Iri' Jam ta, je curucun mao na.