Lucas 11:1 - Tradução Bíblica Pacaas Novos

¹ Maqui' ac ne na xec pain ca tomi' pe ton Te pain i cain ta ca Jeju. Tomi' tomi' ac con na. Pi' pin iri na ca tomi' con ne, tomi' pan ac con na co taxipa' ca ma'. Taramaxicon nuxut ac con na. Ca' na xut pain ca tomi' xut con Iri' Jam me. Win ca João cara pane, pain ca ca' na tococwa pain ca tomi' wa Iri' Jam co taxipa' ca pane na ca tomi' con ma'.

Lucas 11:1 Iomraidhean Croise

Lucas 10:42

Ane ma' xica' pe ne carawa ca ara ra xim ca' ne. Na e' na pain ca taraju wet mapa' pain ca ca' na tain capijacon Iri' Jam ta. Je ca param cama coxa' ma cwa', taraju wet napa' pain ca ca' na tain capijacon Iri' Jam. Carawa ca param cama ca', pain ca taraju wet capa' ca', awi tiquin' ca' nain carawa ca ara pan ma ma' quem, pain ca hoc main carawa ca cao' xi' iri' ma'. Om ta tomi' in pin tam pain na ca tomi' cam ma'.

Lucas 11:2

Tomi' ac tococwa na: Tomi' xun iri jun ne, tomi' ca' jun: Coturut Iri' Jam. Param urut pum pain ca querec pin' querec pin' pi' pin quequem oro wari' pain ca awi tamana nem pain ca Iri' Jam nem. Param urut pum pain ca maqui' hap ne xec nein ca taramaxicon pe ho' taramaxicon pe ho' pi' pin momon oro wari' pain macan' ca' quem.

Lucas 6:12

Om ca pain homa ne, mo tomi' ton Te ta ac ca na Jeju, mao ac cain na pacun. Tomi' ac con na, tomi' tomi' xec pa' ac con na quem.

Lucas 7:13

Querec iri nam Taramaxicon nexi' ne, xiram pa' ac cam na. Ta aca ma me ta nam.

Lucas 7:19

Mo hwet jun Taramaxicon nexi' ta ac tococwa na. Tomi' querec ca' jun: Wum tara co wara tomi' pe ca Iri' Jam pane, co main maqui' tara ta ca pane ra? Winim' jun xucun maparut ra? Ac i ma' tara ca tomi' querec hun ta tata.

Lucas 9:18

Maqui' ac ne na xec nein ca tomi' con Cote ca Jeju ma'. Xica' pe na, ma' e' nana co taxipa' ca co to ho' nonon ma'. Om nonon xucun wari'. Tomi' querec ac tococwa na: Om ta cain' ca wari' ca ne cacapa' oro wari' ra? Cain' ca coromicat mi' cacapa' pain ca Iri' Wari' ta' ca' quem na ca tomi' tococwa ma'.

Lucas 9:28

Om ca pain homa ne, ac ca ma' 8 pin ne na xec pain ca wara tomi' xo' tococwa co taxipa' ca pain ca mi' pin ta' nucun ma', tomi' ton Iri' Jam ta ac ca na. Maji ta ac con na Pedro con João con Tiago ma', piri' mama' ac cacain na pacun.

Hebreus 5:7

Pain ca pe pe wet cain macan' Jeju pane, tomi' non Cote ca. Merem na, merem mip na pain ca tomi' con ma'. Aca na quem. Xiram pa' ne me Te ac con na. Wum co to' witan taxi' ca' napa' pain ca mi' pin wa ca' ac con na. Ha' ac ca na quem, xi om ne ca xut xo' pan ara ca pain ca win xumu e' cain ca param nucun ta.

Judas 1:20

Ane tomi' ca' xuhu' pain ca tomi' querec te xuhu' ca' ne. To' hwara' opa xujuhu' pain ca howa cara hwein oro ca ca' na xihwe ca maqui' non Iri' Jam. Tomi' xun Iri' Jam iri je ne, mam' tomi' ac hun tara pain ca hwara' opa nein Tamataracon.