Lucas 10:9 - Tradução Bíblica Pacaas Novos

⁹ Mo ta ma' caca oro win ma' caca co caxi nana, quep xio pin ac huhun tara. Tomi' ca' jujun quem: Wixicam pin na xec nein ca taramaxicon pe ho' xim cuhu' Iri' Jam ta jujun.

Lucas 10:9 Iomraidhean Croise

Mateus 3:2

Ca' na ca pijim' nucun: Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na.

Mateus 4:17

In mao iri nain Galileia Jeju ne, pijim' pin ac ca na, je win pijim' pin ca pane. Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na ca pijim' nucun.

Marcos 4:30

Tomi' mami' ac ca na: Ma' carawa ca ara ne pain ca taramaxicon pe ho' cocon oro wari' Iri' Jam quem? Main xi ca pijim' wa ca pijim' joc mam' mi' xuhu' pain quem? Taraju wet je e', an xiho' nain ca pijim' mi' xim xuhu' ca'.

Marcos 6:13

Mija ac caca na oro caxicon jam co tomi' jein pin caca ma', mija nana oro co caxi nana co ji'ao mi' caca pain winacocon pain homain ma' quem. Ac i ma' na ca quep xio pin tococwa ma'.

Lucas 10:10

Ane om ac i ma' ne pain cidade pain ca om tomi' querec te cucuhu' oro wari' nein ma'. Mo ta om tomi' querec te cucuhu', mama' ac hwein tara oro wanaji cidade nucucun, tomi' ac huhun tara:

Lucas 10:11

Maho' urut pahu'. Wap camara' urut pain ximirinain macarahu' ca quep caparut pain caximaxut ca' pahu'. Ma' ta querec pin' xujuhu' pain ca pan teretem nuhu' pain ca noc hwein ca taraju wa ca pijim' nuxut ca' jujun. Tomi' ca' jujun quem: Mam' pe wet jein ca tomi' urut pahu' ca'. Wixicam pin na xec nein ca taramaxicon pe ho' toton oro wari' Iri' Jam ta jujun.

Lucas 9:2

Pijim' mi' jujun pain ca taramaxicon pe ho' toton cocon oro wari' Iri' Jam ta. Quep xio pin jujun co caxi nana quem ac tococwa na.

João 3:3

Om na ta Nicodemos ac con na Jeju. Wari' co om pan' qui' mami' ma', om ta hwet ac con Iri' Jam pain ca taramaxicon pe ca pain pawin ta. Tomi' iri'o' inem ta na ca tomi' con ma'.

João 3:5

Om na ta Nicodemos ac con na. Wari' co om mam' pan' qui' nain com je Tamataracon Iri' Jam ma', om ta hwet ac con pain ca taramaxicon pe ca pain pawin. Tomi' iri'o' inem ta.

Atos 28:28

Je ca tomi' xuhu' ca', taraju pa' jein ca tomi' xuhu' ca' ac tococwa na. Noc paxi' hwein ca howa wa capijacon Iri' Jam ca tomi' hwet napari' pain ca to' witan xim ta capari' ca'. Ane pijim' mi' xun tococwa pain oro wari' co om judeu nana ne. Howa tatarain ta na ca tomi' tococwa ma'.

Atos 28:31

Pijim' mi' ac tococwa na pain ca taramaxicon pe ho' capari' Iri' Jam ca'. Ca' na tata con Taramaxicon nexi' Jeju Cristo quem. Om ca pijim' jin' tococwa, pijim' hwara' opa tata. Om ca nain ho' tocwa pain ca pijim' wa quem. Je i ma'.