Lucas 10:8 - Tradução Bíblica Pacaas Novos

⁸ Je ca tomi' xuhu' ca' ac tococwa na. Mo ta hwet huhun oro wari' pain cidade nucucun ma', mo ta tomi' querec te cucuhu', cao' ac hwein tara oro carawa ca cao' je cucuhu'.

Lucas 10:8 Iomraidhean Croise

Mateus 10:40

Wari' co tomi' querec te nuhu' ma', tomi' querec te napa' quem ac caparut na. Wari' co tomi' querec te napa' ma', tomi' querec te non co cwain co hwet roron oro wari' pain macan' ta napa' quem.

Lucas 10:10

Ane om ac i ma' ne pain cidade pain ca om tomi' querec te cucuhu' oro wari' nein ma'. Mo ta om tomi' querec te cucuhu', mama' ac hwein tara oro wanaji cidade nucucun, tomi' ac huhun tara:

Lucas 9:48

Noro jun pije' cwa', co om hwara' opa cwa' ac tococwa na co taxipa' ca ma'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'. Je ca tomi' xuhu' ca' ac tococwa na. Wari' co om xec xec ma' pahu', co om hwara' opa pan ina ta pahu', wirico tara co hwara' opa pan pahu' ta na ca tomi' tococwa ma'.

João 13:20

Je ca tomi' xuhu' ca', tomi' iri'o' inuhu' ta ac caparut na. Wari' co tomi' querec te non co hwet roron oro wari' ta ta' cwa', tomi' querec te napa' quem. Wari' co tomi' querec te napa' ma', tomi' querec te non co cwain co hwet roron oro wari' pain macan' ta napa' quem na ca tomi' caparut pane.

1 Coríntios 10:27

Mo ta tomi' cuhu' wari' co om howa ma', tomi' ca' turuhu': Harahap je, cao' to ho' xine pain xuru ta tara pain ca tomi' cuhu' ma'. Mo ta param hwein, ma ac hun tara, hwet ac hun tara, cao' cao' pi' pin ac hwein tara carawa ca mi' cuhu' ma'. Cao' e' jein, ta tomi' querec hun pain ca main ca maqui' ne carawa ca' hun me. Ma' ta om i'ina ximama' ne xumuhu' pain.

1 Coríntios 9:14

Tomi' ac i ma' na Taramaxicon nexi' pane: Oro wari' co taramaja nana pain ca pijim' hwet cacain capija pain ca to' witan toton ta' oro wari' ca', na e' na pain ca mi' tococwa pain carawa pain ca taramaja nucucun pain ca pijim' nucucun ta na pane.