Lucas 10:7 - Tradução Bíblica Pacaas Novos

⁷ Mo ta tomi' querec te cuhu', pi'am to ho' ac hun tara. Ta pi'am to pi'am to hwein xiricocon oro win ma' ca quem, pi'am to ho' cara e' jun pain xiricon. Mo ta cao' xi' cuhu', mo ta toc xi' cuhu' quem, cao' ac hwein tara carawa ca mi' cuhu', toc ac hwein tara oro ca toc je cuhu' ma' quem. Win ca wari' co taramaja ma', na e' na pain ca pagar tocwa pain ca taramaja nucun. Je ca hohot ne pain ca quep xiho' xihwe pain ca pijim' hwein capijacon Iri' Jam ma' quem.

Lucas 10:7 Iomraidhean Croise

Marcos 6:10

Hwet iri jujun oro wari' pain oro xijein xirim ne, to ho' ac hun tara co pi'am to ho' xine pain xuru ca' nuhu' ma'. Om ta paca' hun. Mon to wet mon to wet maqui' pa' ac cuhu' tara xec nein ca hwet xun huhun xucucun wari' pain xijein cidade.

Lucas 10:6

Mo ta tomi' querec te cuhu' pain ca tomi' ac i ma' hun ma', mi' ac tococwa tara pain ca om toron ne ximicocon, mi' ac tococwa tara pain oro ca awi wa quem. Mo ta om tomi' querec te cuhu', om ta mi' tococwa pain ca om toron ne ximicocon, om ta mi' tococwa pain oro ca awi wa quem.

Lucas 9:4

Mo ta hwet hun wari' pain xiricon ma', mo ta pi'am to ho' xine pain xuru ca' cuhu' ma', to ho' ac hun tara. Om ta paca' hun, mon to wet mon to wet maqui' pa' ac cuhu' tara xec pain ca hwet xun huhun xucucun wari' pain xijein cidade.

Atos 16:15

Ja' ac tacama na pain com. Wiricam, wiricoco oro win ma' cama co to ho' nanam pain xiricam ma' quem, ja' ac tacacama na pain com. Ja' iri tata ne, tomi' mip ac caparut na: Mo ta querec pin' mahu' pain ca howa ton Taramaxicon nexi' cwa', je ta to ho' qui' mahu' pain xuru ta naparut, tomi' tomi' na ac caparut na. Ma ac urut cam na, to ho' ac urut cam na.

Atos 16:34

Maji pain xuru ta ac tocwa na Paulo con Silas ma', mi' ac tococwa na pain carawa ca cao' wa. Tomi' querec te tamana na co ma'. Oro win ma' ca co to ho' nonon pain xiricon ma' quem, tomi' querec te tamana nana quem. Xi om ne ca howa pin ara cocon Iri' Jam ta.

Atos 16:40

Hwerehwet ca' iri nanain xirinain ca tao' to tao' to to wa ma' ne, mama' ac cacain na xiricam Lídia ma'. Je ca cut in to xucucun cocon oro win howa caca ma'. Tomi' tomi' ac cocon na, hwara' opa je pain ca howa nuhu' pa'ao' ac cocon na, mama' ac caca na.

Gálatas 6:6

Ca' na iri tata pain capijacon Iri' Jam oro wari' ne, xiram pa' ac cocon tara co ca' na nonon ma'. Mi' totoron pain oro carawa ca awi.

1 Timóteo 5:13

Je ca tomi' xim ca': Mo ta quep xiho' wi tacacama cacam oro mon horon ma', jam' taxipa' ac ne tara cwerequequem. Corom corom ac cacamain tara xiricocon oro win ma' cacama, tomi' ximama' ac cacama tara pain ca tomi' xina cacamain waracocon oro xucucun wari' ma', pain ca querec wet e' cacamain caramaxicocon ma', pain ca om querec wet pan cacamain caramaxicacam ma' quem.

2 Timóteo 2:6

Noro ron wari' co taramaja tamana pain totacon ma' quem. Paca' pin iri na tocwi ca oin' ca ma' ne, cat pin iri nain ne, na e' na pain ca cao' cain' pan cain quem. Ac i ma' ra quem, an xiho' ron wari' co taramaja tamana pain totacon ma'. Win xumu rain ca taramaja nem pain ca pijim' mi' momon pain capijacon Iri' Jam oro wari' ma'. Ma' ta cut main carawa ca awi ca mi' xim quem Cotere' pain pawin cain.