Lucas 10:6 - Tradução Bíblica Pacaas Novos6 Mo ta tomi' querec te cuhu' pain ca tomi' ac i ma' hun ma', mi' ac tococwa tara pain ca om toron ne ximicocon, mi' ac tococwa tara pain oro ca awi wa quem. Mo ta om tomi' querec te cuhu', om ta mi' tococwa pain ca om toron ne ximicocon, om ta mi' tococwa pain oro ca awi wa quem. Faic an caibideil |
Mo ta tomi' querec te cuhu', pi'am to ho' ac hun tara. Ta pi'am to pi'am to hwein xiricocon oro win ma' ca quem, pi'am to ho' cara e' jun pain xiricon. Mo ta cao' xi' cuhu', mo ta toc xi' cuhu' quem, cao' ac hwein tara carawa ca mi' cuhu', toc ac hwein tara oro ca toc je cuhu' ma' quem. Win ca wari' co taramaja ma', na e' na pain ca pagar tocwa pain ca taramaja nucun. Je ca hohot ne pain ca quep xiho' xihwe pain ca pijim' hwein capijacon Iri' Jam ma' quem.
Tomi' mi' urut pahu' con Taramaxicon nexi' co mi' napari' pain ca om toron ne ximixi'. Wirico co mi' pan napari' pain. Mi' roron pain ca om toron ne ximicocon ma' urut con pahu'. Ma' paxi' tara oro ca ara nuhu' ma', pain ca to' i'ina cuhu' ma'. Je i ma' ira, mi' roron pain ca om toron ne ximicocon ta urut con Taramaxicon nexi' pahu'. Param urut con pain ca pe ho' pe ho' xam' cuhu' ta.