Lucas 10:6 - Tradução Bíblica Pacaas Novos

⁶ Mo ta tomi' querec te cuhu' pain ca tomi' ac i ma' hun ma', mi' ac tococwa tara pain ca om toron ne ximicocon, mi' ac tococwa tara pain oro ca awi wa quem. Mo ta om tomi' querec te cuhu', om ta mi' tococwa pain ca om toron ne ximicocon, om ta mi' tococwa pain oro ca awi wa quem.

Lucas 10:6 Iomraidhean Croise

Lucas 10:5

Hwet iri jun wari' pain xiricon ne, tomi' ca' cain' jun: Param urut con Iri' Jam pain ca mi' cuhu' pain ca om toron ne xumuhu', je pain ca mi' cuhu' pain oro ca awi wa ta, ac i ma' tara ca tomi' hun.

Lucas 10:7

Mo ta tomi' querec te cuhu', pi'am to ho' ac hun tara. Ta pi'am to pi'am to hwein xiricocon oro win ma' ca quem, pi'am to ho' cara e' jun pain xiricon. Mo ta cao' xi' cuhu', mo ta toc xi' cuhu' quem, cao' ac hwein tara carawa ca mi' cuhu', toc ac hwein tara oro ca toc je cuhu' ma' quem. Win ca wari' co taramaja ma', na e' na pain ca pagar tocwa pain ca taramaja nucun. Je ca hohot ne pain ca quep xiho' xihwe pain ca pijim' hwein capijacon Iri' Jam ma' quem.

Efésios 5:6

Ta tomi' mixein cuhu' wari' co tomi' ximao nuhu' ma' me, pain ca hohot na pain ca ara hwein i ma' ta cuhu' ma'. Oro wari' co om tomi' ha' nonon Iri' Jam ma', co ara ximama' nanain oro ca om awi wa ma', wap totoron Iri' Jam ta.

2 Tessalonicenses 3:16

Tomi' mi' urut pahu' con Taramaxicon nexi' co mi' napari' pain ca om toron ne ximixi'. Wirico co mi' pan napari' pain. Mi' roron pain ca om toron ne ximicocon ma' urut con pahu'. Ma' paxi' tara oro ca ara nuhu' ma', pain ca to' i'ina cuhu' ma'. Je i ma' ira, mi' roron pain ca om toron ne ximicocon ta urut con Taramaxicon nexi' pahu'. Param urut con pain ca pe ho' pe ho' xam' cuhu' ta.

Tiago 3:18

Mo ta quep xiho' ac i ma' xuxun oro win ma' nexi' cwa', quep xiho' ac i ma' ac cacapari' tara, xuruxut xo' xuruxut xo' pi' pin ac iri' tara pain ca ara e' xin ca param pan nucun Iri' Jam quem.

1Pedro 1:14

Tomi' ha' jun Iri' Jam, win ne ca mana panxita' cuhu' ma'. Ta tomi' ha' mami' hwein oro ca param pan teretem nuhu' ca ara taxipa' hwe pane, pain ca om querec pin' querec hun Iri' Jam pane.