Lucas 10:41 - Tradução Bíblica Pacaas Novos

⁴¹ Marta Marta ac cam na Taramaxicon nexi'. Toron tamana na xumum pain oro carawa ca ara ma ma'.

Lucas 10:41 Iomraidhean Croise

Marcos 4:19

Ane coromicat ni ca' cacain ne. Ma' pin iri na oro ca to' i'ina nonon ne, toron ximama' ac ne na ximicocon. Caramaju xixi' na nana quem. Mo xi quep xiho' cocon oro caramaji macan' ca', ane om quep xiho' cocon ne, mixein e' nonon. Win xumu e' nanain oro ca param nucucun quem. Ac ca mo' nein na capijacon Iri' Jam oro caramaji macan' pain ximicocon. Ac ca om wina ne na, xi to' xucun wari' tococwa pain ta.

Lucas 10:38

Xuruxut mama' ac caca na Jeju cocon co taxipa' ca ma'. Xuruxut xuruxut tan' mama' ac cacain na ca paric to ne xirim ma'. Ma' na narima' co cao' pe ho' xut pain xuruxut ca' nonon ma'. Marta na wixicam.

Lucas 10:40

Marta ma' iri na ne, toron na ximicam pain ca taramaja taramaja cama ma', pain ca hoc camain carawa ca cao' wa. Aram aram hwet ac con na Jeju, tomi' ac con na: Taramaxicon ne. Xica' pe ina pain ca taramaja ta' ca', pain ca hoc tain carawa ca cao' xi' iri' ca'. Hohot nem pain ca om quep xiho' capa' xa' cwa' ra? Tomi' ram me. Quep xiho' ram cowe ma ta ram me na ca tomi' con Jeju Marta ma'.

Lucas 12:22

Tomi' ac tococwa na co taxipa' ca ma': Je ca tomi' xuhu' ca', ta toron ne xumuhu' pain ca ma' xirapa' na hwein oro caramaji macan' ca to' e' nuhu' me, je carawa ca cao' xi' hwe, wirico wom co to xi' hwe ma' quem, ta toron ne xumuhu' pain me.

Lucas 21:34

Ma' tara xumuhu' me ac tococwa na. Ta win xumu e' hwein oro ca tamanain to wa pain ca toc ximama' wa ca mana' nein tocwa me. Ta toron ximama' ne xumuhu' pain oro ca to' i'ina nuhu' quem me. Mo ta xuruxut ximama' ac i ma' hwe, mo ta om winim' xo' mahu', ane ane hwet pa' ac cuhu' tara xec nein ca in qui' ta' ne.

Lucas 8:14

Carawa ca ara nain tocwi trigo ca camara' to nain pi ma', tomi' joc mam' mi' nain carawa ca ara nonon oro wari' co taraju paxi' nanain capijacon Iri' Jam. Pain pin iri na ne, ma' ac ne na oro ca to' i'ina nonon. Win ne tocwi trigo pain ca mo' nein pi ma', ac i ma' na ca to' i'ina tococwa ma'. Toron toron na ximicocon, coromicat ni ca' ac cacain na capijacon Iri' Jam, win xumu win xumu ac cacain na oro caramaji macan' je oro ca param ximama' nucucun ca mam' tomi' querec te caca ma' quem. Om ca horon tiquin' caca pain ca howa nucucun.

João 11:1

Caxi ac ca na wari' pane. Lázaro na wixicon. Wari' nein Betânia na, je i ma' wixinain ca paric to ne xirim ca pe ca cacam mana cowe ca ma', Maria cam Marta ma'.

João 11:5

Jeju ma', om paxi' na ca noc cacam Marta cam Maria con Lázaro ma' quem. Tomi' querec te tamana paxi' nanam.

João 12:2

Cao' querec te xi' con Jeju ta ac cacama na, ara ac cacamain na carawa ca cao' wa. Maxiram' mi' ac caparut pain na Marta. Cao' pe ho' naparut coxa' cama Lázaro ma' quem. Wirico, ma' nana xucucun wari' co cao' to ho' nanaparut pain pana ca mam' cao' to wa ma' quem.

Filipenses 4:6

Ta toron camain' ne xumuhu' pain oro carawa me. Tomi' hwet e' jun pain Iri' Jam ta. Tomi' xun iri hun ne, tomi' hwet tomi' hwet pi' pin ac hun tara pain. Xiram pa' xut pain jun. Tomi' querec te jun pain ca xiram pa' xut pain hun quem.