Lucas 10:40 - Tradução Bíblica Pacaas Novos

⁴⁰ Marta ma' iri na ne, toron na ximicam pain ca taramaja taramaja cama ma', pain ca hoc camain carawa ca cao' wa. Aram aram hwet ac con na Jeju, tomi' ac con na: Taramaxicon ne. Xica' pe ina pain ca taramaja ta' ca', pain ca hoc tain carawa ca cao' xi' iri' ca'. Hohot nem pain ca om quep xiho' capa' xa' cwa' ra? Tomi' ram me. Quep xiho' ram cowe ma ta ram me na ca tomi' con Jeju Marta ma'.

Lucas 10:40 Iomraidhean Croise

Mateus 14:15

Irawin pin iri na ne, mo tomi' xun Jeju ta ac urut na pain ca taxipa' urut con ca', xuruxut hwet ac urut con na. Irawin pin na ta Jeju. Om nain i ca' xirim ca cut pe xine carawa ca cao' wa quem urut con. Mama' je ximomon oro wari' cwa'. Ma' ta mama' cacain oro ca paric to ne xirim ma', cut pan ac cacain tara carawa ca cao' wa ta na ca tomi' urut con.

Mateus 16:22

Quep ac cain na taparacon Jeju Pedro. Coc papan hwet mao ac con na, tomi' ac cain na taraxicon: Om na ta Taramaxicon ne. Nain ho' terem pain Iri' Jam ta. Om ta to' pa' quequem oro wari' ta non.

Marcos 3:21

Taraju iri nana oro ca nari nucun ma' ne. Cain' cain' xira ne ac caca na. Tamanain na ron! Harahap je con! O in qui' xun ta nana.

Lucas 10:38

Xuruxut mama' ac caca na Jeju cocon co taxipa' ca ma'. Xuruxut xuruxut tan' mama' ac cacain na ca paric to ne xirim ma'. Ma' na narima' co cao' pe ho' xut pain xuruxut ca' nonon ma'. Marta na wixicam.

Lucas 10:41

Marta Marta ac cam na Taramaxicon nexi'. Toron tamana na xumum pain oro carawa ca ara ma ma'.

Lucas 12:29

Je ca tomi' xuhu' ca': Ta jain jain ximama' hwe pain ca mapam' mapam' hwein oro carawa ca cao' wa je ca toc wa me. Ta toron ne xumuhu' pain me.

Lucas 9:55

Ane tucu in hwet pan cocon Jeju ne. Tomi' in pin ac cocon na. Je xi querec pin' hwein Tamataracon Iri' Jam ca xiram pa' jujun oro wari' ta nuhu' ma'? Xi maqui' ta' pain ca to' parapa' pin toton ta' oro wari' cwa' ta. Wata' pain ca Iri' Wari' ta' ca', maqui' ina, ma' ta to' witan toton oro wari' ta ina na ca tomi' tococwa pain ca tomi' in pin tococwa ma'.

João 11:1

Caxi ac ca na wari' pane. Lázaro na wixicon. Wari' nein Betânia na, je i ma' wixinain ca paric to ne xirim ca pe ca cacam mana cowe ca ma', Maria cam Marta ma'.

João 11:5

Jeju ma', om paxi' na ca noc cacam Marta cam Maria con Lázaro ma' quem. Tomi' querec te tamana paxi' nanam.

João 12:2

Cao' querec te xi' con Jeju ta ac cacama na, ara ac cacamain na carawa ca cao' wa. Maxiram' mi' ac caparut pain na Marta. Cao' pe ho' naparut coxa' cama Lázaro ma' quem. Wirico, ma' nana xucucun wari' co cao' to ho' nanaparut pain pana ca mam' cao' to wa ma' quem.

João 6:27

Je ca tomi' xuhu' ca' ac tococwa na. Ta taramaja mi' hwein capam' ca om awi cara ma' me ta. Taramaja mi' jein capam' ca om pi' ra ha' ma', ca mi' nain ca e' cara wa pain pawin ma'. Mi' pan xuhu' pain, wata' pain ca Iri' Wari' ta' ca', mi' pan xuhu' pain. Tomi' ara xi' napa' pain Te Iri' Jam ta. Mi' roron pain ta napa' pahu' ta ac tococwa na.