Lucas 10:37 - Tradução Bíblica Pacaas Novos

³⁷ Co ma' co xiram pa' non ma', wirico co iri' win ma' ne non ta ac ca na. Je i ma' ira ac con na Jeju. Ara ac i ma' ra, win ca ne ron ta na ca tomi' con ma'.

Lucas 10:37 Iomraidhean Croise

Mateus 20:28

Win ta' ca', pain ca Iri' Wari' ta' ca'. Om ca maqui' ta' pain ca taramaja mi' xine xuhu', om na. Taramaja mi' pan xim inuhu'. Mi' pin caho' xim inuhu', ma' ta witan mija hwe ta inuhu'. Je ca maqui' ta' ca' na ca tomi' caparut ca'.

Mateus 23:23

Wa inuhu' me oro co ca' na taxipa' nanain ca xirao' nucun Moisés! Wa inuhu' quem oro fariseu! Ximin hwe ta. Ac ca iri'o' xi' ca' tara me hwe. Wap tamana turuhu' Iri' Jam ta. Mi' paxi' hun pain dízimo nuhu' Iri' Jam ma', ane mi' e' hun pain dízimo nein oro wijimain carawa nuhu' ne, mi' e' hun pain dízimo nein oro wijimain ca mam' aramao hwein carawa ma', je hortelã pain erva-doce pain cominho ma'. Mi' paxi' hun pain Iri' Jam ma', ane om tomi' ha' hwein iri' ca param nucun ca awi tiquin' ca' nain oro dízimo ne. Om ca xuruxut xo' hwe cocon oro win ma' hwe. Om ca xiram pa' huhun oro wari'. Om ca howa ac xihwe pain ca mixein nuhu' quem. Awi paxi' na pain ca mi' hun pain iri' dízimo nuhu' ma', ane om na ne pain ca miri'om hwein oro wirain ca tomi' nucun pain ca tomi' ha' jein ca param ne ta cuhu', je pain ca xuruxut xo' je cuhu', je pain ca xiram pa' jujun oro wari' ta cuhu' ne. Tomi' ha' xuhun quem.

Lucas 10:36

Tomi' ac ca na Jeju, tomi' non co tomi' xo' taxi' nain oro ca xirao' nucun Moisés ma': Je ca tomi' xim ca'. Ma' 3 nana wari' co querec nonon co to' caca oro co an noc xa nanain caramaxicon. Mon co iri' win ma' ne non quem? Cain' cain' ne ca coromicat nem cocon quem na ca tomi' querec con ma'.

Lucas 10:38

Xuruxut mama' ac caca na Jeju cocon co taxipa' ca ma'. Xuruxut xuruxut tan' mama' ac cacain na ca paric to ne xirim ma'. Ma' na narima' co cao' pe ho' xut pain xuruxut ca' nonon ma'. Marta na wixicam.

2 Coríntios 8:9

Win ca Taramaxicon nexi' Jeju Cristo cwa'. Taxi' ara xi' hun pain ca xiram pa' tamana capari'. Caramaju tamana paxi' na pain ca hwara' opa tamana nucun pain ca taramaxicon nucun pane, je pain ca Iri' Jam nucun pane. Ane an pe pin tain pahu' ta capari' ne. An pe pin iri nain ne, wari' pin ac ca na, ximin pin ac ca na quem. Ma' ta to' caramaju pin xuhu' pain ca mi' xim xuhu' pain oro ca awi wa con Te ta napari'.

Efésios 5:2

Ta noc camain' xujuhu' me. Win ca Cristo pain ca om noc qui' capari' pain ca om narain ho' qui' xucun pari' pane, ac i ma' je pain ca om noc xujuhu' me. Mi' pan xucun con Iri' Jam Cristo. Ma' ta mi' pin caho' toton ta non pari' pane. Hohot tamana non Iri' Jam quem, hohot tamana non pain ca mi' pin caho' capari'.

1Pedro 2:21

Je ara xi' na ca wara param mi' cuhu' pain ca xo' howa xine ta qui' cuhu' pain cara pane. Mo ta quep em' ximama' xihwe, je i ma' ira je, quereme ac hwein tara ta nuhu'. Xi om ne ca quereme ara ca Cristo pain ca quep em' ximao pan tocwa pain ca mi' pin caho' cuhu' pane ta. Win ta' pane, an xiho' xine pain ca quereme ta' pane nuhu' quem.

Apocalipse 1:5

Param inon Jeju Cristo pain ca quep xiho' cuhu' pain ca mi' cuhu' pain ca param nucun, param inon pain ca mi' cuhu' pain ca om toron ne xumuhu' quem. Wirico Jeju co tama' tomi' iri'o' ma', co to' e' mami' cain' ca Iri' Jam pane, co iri' Taramaxicon co hwara' opa tiquin' ca' nonon oro taramaxicon co taramaxicon to nanain oro xijein macan' ca'. Wirico Jeju Cristo co om noc napari' ta. To' witan ca' napari' pain ca caracat nexi' ca'. Mam' to' witan napari' pain quicon.