Lucas 10:34 - Tradução Bíblica Pacaas Novos

³⁴ Xut hwet ac con na, aramao ton ta ac na, an ac cain na comi uva je homain winain oliva, ji'ao mi' ac con pain na pain oro nonacon. Wiric pa' ac con na con wom. Wara ca' na burro nucun ma', an piri' pe ac con pain na, an mao ac con na pain xirim ca pi'am to caca oro wari' co maqui' nanain pira. Querec wet pe ac con na pain i cain.

Lucas 10:34 Iomraidhean Croise

Marcos 14:8

Narima' cwa', mi' xim paxi' napa' pain carawa ca awi. Ane ma' e' cam homain nardo ca' ne. Je ca ji'ao mi' capa' pain. Win ne ca ji'ao mi' xim cacapa' pain homain towaxi' pain ca aram aram an corom pe xim cacapa' pain manain pacun ma', wara ji'ao mi' napa' pain homain towaxi' narima' cwa', pain ca e' e' wet ta' ca'.

Lucas 10:33

Aram aram maqui' ac cain wana na wari' nein Samaria. Hwet pin ac con na co terem' pe nain i ma'. Querec iri non ne, xiram pa' ac con na.

Lucas 10:35

Xec pin iri na ne, cut mi' 2 ac con na pain denário waximain xirim ma'. Querec wet ron pa'ao' ac con na. Mo ta om ha' ne ca 2 nein denário con pain ca cut tain main oro ca mam' querec wet mon ma', pagar ac xim pain tara pain ca aram aram in qui' ta' ne. Ac i ma' na ca tomi' con waximain xirim.

Lucas 2:7

Pain ca xo' tan' mama' cacama ma', noro paxi' nanain ca pi'am to wa pain xirim ca pi'am to caca oro wari' co maqui' nanain pira. Ane om mam' cacamain ca pi'am to wa ne. Pi'am to e' nanain xirinain burro je ovelha. Je ca pan' pe ca cawinacam. Je win ma' cam pije', wirico co pan' cain' cacam oro xequequem humaxicam co camara' xi' nana pa'ao'. Wiric pa' ac con na con wom, an terem' pe ac con na pain pana ca cao' to ne oro carawa.

Romanos 12:20

Je ca tomi' xuhu' ca': Ta win caca ne huhun me ta. Ara jein ca xirao' pe xine capijacon Iri' Jam. Ca' je: Mo ta ma' ca wari' co noc nuhu' ma'. Mo ta pe' ca, mo ta cao' ta' ca quem, mi' jun pain carawa ca cao' wa. Mo ta toc ta' ca, mi' jun pain ca toc wa quem. Mo ta ac i ma' hun, wixipa' ac cuhu' tara. Ac i ma' na ca xirao' pe xine pain capijacon Iri' Jam.

1 Tessalonicenses 5:15

Ma' tara xumuhu' con wari' co quep xiram nuhu' ma'. Ta win mapa' ne hun me. Xiram pa' pan e' xujuhu' pain ca ara mi' xujuhu' pain ca awi wa me. Tama' xiram pa' xujuhu' pain ca xere xujuhu' ma', tama' xiram pa' jujun oro wari' ma' quem.