Lucas 10:33 - Tradução Bíblica Pacaas Novos

³³ Aram aram maqui' ac cain wana na wari' nein Samaria. Hwet pin ac con na co terem' pe nain i ma'. Querec iri non ne, xiram pa' ac con na.

Lucas 10:33 Iomraidhean Croise

Mateus 10:5

Tomi' xo' ac caparut na pain ca taxipa' urut con ca', pain ca 12 urut ca'. Ta mama' hwein ca to caca co om judeu nana pain ca aram aram tomi' hwet xun huhun pain capija oro wari' me ta. Ta mama' camain' hwein oro cidade nucucun oro wari' nein Samaria quem me.

Mateus 18:33

Je xi xiram pa' qui' mon win ma' ma quem? Win ne ca xiram pa' xim ne non.

Lucas 10:32

Ac i ma' na xucun co judeu ma' quem. Levita na. Hwet pin iri nain ca terem' pe ca wari' ma' ne, querec iri non ne, xut tiquin' ca' ac con na pain xijein cacarain wana ma' quem.

Lucas 10:34

Xut hwet ac con na, aramao ton ta ac na, an ac cain na comi uva je homain winain oliva, ji'ao mi' ac con pain na pain oro nonacon. Wiric pa' ac con na con wom. Wara ca' na burro nucun ma', an piri' pe ac con pain na, an mao ac con na pain xirim ca pi'am to caca oro wari' co maqui' nanain pira. Querec wet pe ac con na pain i cain.

Lucas 7:13

Querec iri nam Taramaxicon nexi' ne, xiram pa' ac cam na. Ta aca ma me ta nam.

João 4:9

He ac cama na. Para cam mi' ne pain com mapa' ma', pain ca wari' nein Samaria ta' ca' ac cama na. Xi judeu ara ma ta na ca tomi' con ma'. Tomi' ac i ma' na, xi om ne ca noc ara xucucun oro judeu cocon oro wari' nein Samaria ta.

João 8:48

Tomi' ac cocon na Jeju oro taramaxicon ma'. Iri'o' na ca tomi' urut pum pane ac cocon na. Caxicon wari' ma. Ac wari' nein Samaria ma. Corom pe ho' quem Caxicon Jam ma' ira nonon.