Lucas 10:3 - Tradução Bíblica Pacaas Novos

³ Mama' ho' je. Pijim' mi' jujun pain capija oro wari' ta. Pain ca hwet jujun ta xuhu' ca', ac ca hwet jujun ca mija caca orotapan ta xuhu' na, xi awi caca ta. Ac oro wijimain ovelha huhun quem, xi narain ho' taxi' xujuhu' cocon ta.

Lucas 10:3 Iomraidhean Croise

Mateus 10:16

Tomi' ac caparut na: Pain ca pijim' mi' jujun pain capija oro wari' ta xuhu' ca', ac ca hwet jujun oro caxicon copacao' ta xuhu' na, xi awi caca ta. Ac oro ovelha huhun quem, xi narain ho' taxi' xujuhu' cocon ta. Je ca tomi' ca' xuhu' ca': Querec je me! Ma' tara xumuhu' cocon me. Win ca em' pain ca tama' noro xaxa' nucun pain ca om mon to wet ne winacon ma', ac i ma' je cocon oro wari' co noc nunuhu' ma'. Ane na e' ne pain ca om mana' huhun ne. Win ca xucu' pain ca om mana' taxi' ca quem.

Mateus 10:22

Noc noc pi' pin tuturuhu' oro wari', xi om ne ca howa ara mahu' ta. Ane tomi' xuhu' pain i ca' ne: Wari' co howa cara napa' ma', pain ca howa howa pi' pin pa' con oro ca quep em' wa ma', wirico tara co to' witan wa ta.

Mateus 7:15

Ma' tara xumuhu' me, ta taraju wet huhun oro wari' co profeta urut ta ximama' nunuhu' pain ca pijim' mixein nucucun ma' me ta ac tococwa na. An xiho' paxi' nanain ovelha ca awi pain ca om mana' nein ma', ac ca awi caca e' na pain curucucun. Ane om awi pan ne ximicocon ne. An xiho' e' nonon copacao' co om awi pain ca mana' nucun.

Lucas 10:4

Ta cut hwein dinheiro me, ta cut hwein caji coco ca mam' cut wa carawa quem me. Ta cut tocwan hwein caji caxim quem me. Xuruxut cam' iri jujun oro wari' pain ca xuruxut hwein wana ma' ne, ta momon coco' hwe pain ca pijim' ximama' xujuhu' me.

João 10:12

Om ca ac i ma' ca wari' co taramaja mi' e' nain dinheiro pain ca querec wet taxipa' cain ovelha ma'. Xi iri' pastor ca ta. Om ca mene cain ovelha quem. Querec iri non copacao' pain ca mo hwet tain cain ne, an to pin ac cain na oro ovelha, mo mao ac ca na quem. Mo hwet ac cain ovelha na copacao' ma', quep ac cain na wirain, ja' wawaran ac cain na oro wirain ma' quem.

João 15:20

Mam' pe wet jein ca tomi' xuhu' pane: Wari' co taramaja mi' e' non taramaxicon nucun ma', om ca hwara' opa tiquin' ca' con taramaxicon nucun, ac i ma' na ca tomi' xuhu' pane. Je ca tomi' xuhu' ca': Carawa ca ara mi' cacapa' oro wari' ma', je ta ara mi' cucuhu' quem. Ja' tequi' quep em' nanapa' oro wari' co noc nanapa' ma', ja' tequi' quep em' ac cucuhu' tara quem. Ma' nana co tomi' ha' nanapa' pain ca tomi' xo' toton pain capija ca', ma' ac caca tara co tomi' ha' nunuhu' pain ca tomi' xo' huhun pain quem.

João 16:2

Mana' hwerehwet ca' tuturuhu' pain oro xirim ca cut in to xujuhu' ma'. Om ta corom mami' ac hwein. Om ta xica' pe ne ca mana' hwerehwet cucuhu' quem, main ma' tatara co to' parapa' pin xim nunuhu'. Coromicat ximama' tatara quem: Ara urut pain ca param nucun Iri' Jam pain ca to' parapa' pin urut cocon caram cwa' ta tatara pain ca coromicat pan teretem nucucun pahu'.

Atos 20:29

Taxi' inuhu' pain i ca' quem ac tococwa na. Paca' iri xuhu' ne, corom hwet ac cucuhu' tara oro wari' co pijim' pan teretem xim nunuhu'. Ac orotapan tatara. Quep em' tuturuhu', om ta xiram pa' camain' cucuhu'. Win ne ca om quep em' xiram pa' xine ovelha ma', ac i ma' tatara co aram aram corom hwet xim nunuhu' ta.

Atos 9:16

Pijim' hwet iri tarapa' cocon oro wari' ne, mija ac ne tara ca jain jain ca pain oro carawa ca ara ton non. Tomi' hwet pan ton pain. Ac i ma' na ca tomi' xo' con Ananias Taramaxicon nexi'.

Atos 9:2

Tomi' ac con na: Xirao' mi' roron pain carta co querec wet nonon oro win judeu iri' cwain, pain oro xirim ca cut in to xucucun pain Damasco cain. Ma' ta taxi' cacapa' pain ca tomi' mapa' ca'. Mam' iri toton co howa nanain oro ca pijim' nucun Jeju pain i cain ne, quep ac toton tara, pao' to cut in qui' ac toton tara pain Jerusalém ca'. Ca tarama' nucucun, ca narima' nequequem quem, pao' to cut in qui' tatam ta, ac i ma' na ca tomi' con taramaxicon nucucun oro sacerdote Saulo ma'.