Lucas 10:25 - Tradução Bíblica Pacaas Novos

²⁵ Om ca pain homa ne, maqui' ac ca na wari' co tomi' xo' taxi' nain oro ca xirao' nucun Moisés. Tomi' querec ton Jeju ta na. Am pijim' xo' ca, am om pijim' xo' ca, ac i ma' na ca coromicat nucun. Tomi' querec ac con na: Taramaxicon co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Lucas 10:25 Iomraidhean Croise

Marcos 10:17

Mama' xi' urut ta iri na Jeju ne, xuruxut xuruxut, mo qui' ac ca na wari' ma'. Pe torotop mi' non, tomi' querec ac con na: Taramaxicon co awi, co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Marcos 10:3

Cain' ca tomi' ha' je cuhu' Moisés cara pane quem ac tococwa na.

Marcos 12:28

Ma' ac ca na co ca' na taxipa' nain ca xirao' nucun Moisés ma'. Taraju nonon pain ca tomi' xucucun ma'. Querec pin' non Jeju pain ca tomi' xo' cocon ma' quem. Je ca xut hwet con ma'. Tomi' querec ac con na: Ma' ca xirao' nucun Moisés ca awi tiquin' ca' nain oro wirain ca xirao' nucun quem na ca tomi' querec con ma'.

Lucas 10:24

Je ca tomi' xuhu' ca' ac tococwa na. Mija nana oro profeta cocon oro taramaxicon cara pane, co querec xixin na nanain oro ca querec hwe pain xocori ca'. Ane om querec cacain ne. Mija nana co taraju xixin na nanain oro ca taraju hwe pain xocori ca'. Ane om taraju cacain ne na ca tomi' tococwa ma'.

Lucas 10:26

Cain' ca xirao' ca Moisés cara pane quem ac con na Jeju. Om ca taraju pa' main quem? Tomi' hwet ne pain ca taraju pa' nem quem na ca tomi' con ma'.

Lucas 18:18

Ma' ac ca na wari' co hwara' opa ma'. Tomi' querec ac con na Jeju: Taramaxicon co awi, co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Lucas 7:30

Oro fariseu cocon oro co ca' na taxipa' nanain ca xirao' nucun Moisés ma' iri nana ne, om ca ja' tococwa pain com. Xi noc urut pain ta ara caca pain ca cwirin' jein ca caracat nuhu' ta tococwa.

João 8:6

Wara tomi' xo' ca' xucucun con: Tomi' querec xun e'. Mo ta tomi' pan tem ca, na ac capari' tara pain ca em' na ta xun ta nana. Ac i ma' paxi' na ca wara tomi' xo' xucucun, ane miri'om tococwa ne. Wina quiji' na, xirao' ac cain na macan' pain micon.

Gálatas 3:18

Mo xi tomi' ca' capari' Iri' Jam: Mo ta tomi' ha' cara hwein oro ca ara je xuhu' pain ca xirao' nucun Moisés ma', ara mi' ac xuhu' tara pain ca wara tomi' pe xuhu' ca', pain ca to' witan e' xuhu' ta, mo xi tomi' ac i ma' capari', om xi tomi' pe e' capari' pain. Ane tomi' pe e' con pain Abraão Iri' Jam ne, ara mi' e' xim pain ca wara tomi' pe xim ca', om ta pagar mapa' pain, ara mi' e' xim pain ta na ca tomi' pe con pane.