Lucas 10:21 - Tradução Bíblica Pacaas Novos

²¹ Tomi' querec te pan ac ca na Jeju. Je Tamataracon Iri' Jam ca ja' tomi' querec te non ma'. Tomi' ac ca na: Tomi' querec te inem ta Te. Wum co Taramaxicon pe nain pawin je macan' ca'. Tomi' querec te inem pain ca tora' momon oro wari' co om xec xec nana cwa', co an xiho' nonon oro hwijima' pain ca om xec xec nucucun ca'. An hwet mi' momon pain oro ca joc xim ma cocon oro wari' co taxi' urut xi' ma nana ma'. Je ca param nem ma' quem Te. Hohot nem pain ca an hwet mi' momon pain ta na ca tomi' con Iri' Jam.

Lucas 10:21 Iomraidhean Croise

Mateus 16:17

Param mi' nem pain ca awi wa Iri' Jam ta Simão panxica João ac con na Jeju. Xi wari' ca co an hwet mi' nem pain ca tomi' nem ma', pain ca Cristo ma ta mapa' ma', pain ca Panxica Iri' Jam ma ta mapa' ma'. Te ma', co pe pawin cain, wirico co an hwet mi' nem pain ca tomi' nem.

Mateus 21:16

Om ca taraju main ca tomi' caca hwijima' cwa' ra? Je xi tomi' in pin momon quem nonon Jeju pain ca mana' nucucun. Taraju toton ca' ira ac tococwa na. Om ca noro camain' hwein ca xirao' pe ca profeta pain capijacon Iri' Jam ra? Ca' na ca xirao' pe nein con: In ac nonon Iri' Jam oro hwijima'. Oro hwijima' co xoc xoc wet nana catat quem, in ac nonon Iri' Jam. Wirico Iri' Jam co mi' nonon pain ca in ac cocon ma'. Ac i ma' na ca tomi' tococwa ma'.

Mateus 3:7

Mija nana oro fariseu cocon oro saduceu co hwet nonon João ma'. Ma' ta ja' capari' pain com ta nana. Querec iri nonon João pain ca maqui' nucucun ma' ne, tomi' ac cocon na: He! Ja' xi' com hwe ra oro caxicon em', ac i ma' na ca tomi' tococwa ma'. Witan ca' xin hwein ca mana' tamana nucun Iri' Jam ra? Ma' co jein ca' jun nuhu' ma' quem?

Marcos 10:15

Je ca tomi' xuhu' ca', tomi' iri'o' inuhu': Mo ta om an xiho' hwehwem hwijima' pain ca tomi' querec te cocon Iri' Jam pain ca taramaxicon pe ho' xuhu' ta cocon ma', om ta hwet camain' hun pain ca taramaxicon pe ca pain pawin cain ta na ca tomi' tococwa ma'.

Lucas 15:5

Mam' pin iri tarain ne, tomi' querec te tamana ac cain tara, an xin tapan ac cain tara pain tiquirimicon.

Lucas 15:9

Mam' pin iri tarain ne, tomi' ac tacacama tara oro win ma' cama cacam oro xequequem co to ho' ja' pan nanam pain cidade nequem. Harahap je, tomi' querec te wi xijexi' e', xi mam' pin ara tain moeda ne ca pan' am pane ta ac tacacama tara.

João 11:41

Joc hwet pin ac cacain na pacun ma'. Noro pawin ac ca na, tomi' ac con na Cote ca: Tomi' querec te inem pain ca ha' mapa' pain ca tomi' xim ca' Te.

2 Coríntios 4:3

Ma' paxi' nana oro wari' co om taraju pa' nanain capijacon Iri' Jam ca pijim' urut ca'. Co pan' ara'am xi' nana ma', wiricoco nana co om taraju pa' nanain.

Efésios 1:11

Oro ca ara ca Iri' Jam cwa', ara nain ca wara coromicat an pe xo' nucun. Win ne ca param ta' ca' na, ara ara ac cain na. Je ca wara tora' caparut pain ca judeu urut ca'. Wari' ne naparut. Xi om ne ca ma' ara cuhu' Cristo ta naparut.

Efésios 1:5

Je ca an pe xo' mi' capari' pain ca coromicat nucun pane. Wara tora' napari'. Mana panxita' xuhu', xi win cwere pin ara hun Jeju Cristo ta napari'. Je ca param mi' xuhu' ca' napari' pane.