Lucas 10:17 - Tradução Bíblica Pacaas Novos

¹⁷ Co taxipa' ca ma', co ma' 72 nana ma', pijim' mama' ac cacain na pira. Pain pain, aram aram in qui' ac caca na. Tomi' querec te tamana nana. Tomi' hwet ac cocon na Jeju: An hwet iri urut pain wuxum ne, ha' ac caparut na pain ca ara urut pain oro ca om ara taxi' ne ca wari' wa Taramaxicon nuxut. Tomi' ha' nanaparut oro caxicon jam quem nonon.

Lucas 10:17 Iomraidhean Croise

Mateus 4:24

Taraju ac caca na oro wari' co to nanain pira pain oro xijein cidade pain Síria ma' quem. Quep xio nonon oro wari' Jeju ta na ca taraju nucucun. Je ca cut qui' cut qui' pi' pin tococwa oro wari' co caxi nana ma', co jain jain nana pain oro ca caxi tamana nucucun ma'. Mo nana: Co corom to ho' nonon caxicon jam ma', co pa' taxipa' nonon tamanain ma', co carama to nana ma', quep xio quep xio pi' pin ac tococwa na.

Marcos 16:17

Oro wari' co howa nanapa' ma', ara ac cacain tara oro ca to' querec pin' nonon oro wari' pain ca pe ho' cocon ca hwara' opa nucun Iri' Jam. An hwet iri tatarain wuxu ne, tomi' jein pin ac cocon tara oro caxicon jam. Tomi' ac cacain tara xijein ca capija wa ca om wara tomi' taxi' caca quem.

Lucas 10:1

Om ca pain homa ne, tomi' xo' ac tococwa na oro xucucun co taxipa' ca ma'. Wirico Taramaxicon nexi' co tomi' xo' nonon. Ma' 72 nana co tomi' xo' ca ma': Main mao tain oro xijein cidade cain, mao tain oro ca to pan caca oro wari' ma' quem ac tococwa na. Wara mama' 2 mama' 2 xam' je, maqui' ta' pa'ao' ac tococwa na.

Lucas 10:20

Ane tomi' xim xuhu' pain i ca' ne: Ta tomi' querec te e' hwe pain ca tomi' ha' cucuhu' oro caxicon jam pain ca tomi' jein pin huhun ma' me. Tomi' querec te pan e' je pain ca xirao' to xine wuxuhu' pain pawin cain na ca tomi' tococwa ma'.

Lucas 10:9

Mo ta ma' caca oro win ma' caca co caxi nana, quep xio pin ac huhun tara. Tomi' ca' jujun quem: Wixicam pin na xec nein ca taramaxicon pe ho' xim cuhu' Iri' Jam ta jujun.

Lucas 9:1

Tomi' cut in ac tococwa na co taxipa' ca ma', co ma' 12 nana ma'. Mi' inuhu' pain ca tomi' jein pin huhun oro caxicon jam, je pain ca quep xio pin huhun oro wari' co caxi nana ta ac tococwa na.

Romanos 16:20

Iri' Jam co mi' napari' pain ca om toron ne ximixi' ca', to' quiji' pin ho' toron Caxicon Jam. Om ta om om ca, to' quiji' pin ho' toron quem. Mi' turuhu' pain ca hwara' opa tiquin' ca' hun quem. Ac ca xom hun tara pain ca hwara' opa tiquin' ca' xun hwe ma'. Param inon Taramaxicon nexi' Jeju pain ca xiram pa' cuhu' ma', pain ca mi' e' cuhu' pain ca param pan nucun ta.

Efésios 5:24

Je ca tomi' xuhu' quem oro narima': Tomi' ha' jujun waram taxuhu', tomi' ha' jujun pain iri' xumuhu'. Win ne ca tomi' ha' xun Cristo pain ca howa xun ca'.