Lucas 10:16 - Tradução Bíblica Pacaas Novos

¹⁶ Tomi' ac tococwa na co taxipa' ca ma', co pijim' mama' jein pira ca ma'. Wari' co taraju wet nuhu' pain ca pijim' hun ma', taraju wet napa' quem. Wari' co noc nuhu' pain ca pijim' nuhu' ma', noc napa' quem. Wari' co noc napa' ma', noc non co cwain co hwet ron oro wari' napa' quem na ca tomi' tococwa ma'.

Lucas 10:16 Iomraidhean Croise

Mateus 10:40

Wari' co tomi' querec te nuhu' ma', tomi' querec te napa' quem ac caparut na. Wari' co tomi' querec te napa' ma', tomi' querec te non co cwain co hwet roron oro wari' pain macan' ta napa' quem.

Mateus 18:5

Noro jun pije' cwa', co om hwara' opa cwa' ac caparut na. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na quem.

Marcos 9:37

Tomi' ac tococwa na co taxipa' ca ma': Noro jun pije' cwa', co om hwara' opa cwa'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Om ca xica' pe querec te capa'. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'.

Lucas 9:48

Noro jun pije' cwa', co om hwara' opa cwa' ac tococwa na co taxipa' ca ma'. Wari' co tomi' querec te non pain ca om hwara' opa nucun ca', coromicat ca' iri na ne: Tomi' querec te inem, xi om ne ca howa ara ton Jeju ma', mo ta coromicat ac i ma' ca pain ca tomi' querec te inem con ma', ac ca tomi' querec te capa' na. Tomi' querec te iri napa' ne, tomi' querec te non co cwain co hwet roron oro wari' napa' ma' quem na ca tomi' tococwa ma'. Je ca tomi' xuhu' ca' ac tococwa na. Wari' co om xec xec ma' pahu', co om hwara' opa pan ina ta pahu', wirico tara co hwara' opa pan pahu' ta na ca tomi' tococwa ma'.

João 12:44

Merem ac ca na Jeju, merem mip na: Wari' co howa napa' ma', om ca howa e' capa'. Howa non Te co hwet roron oro wari' ta napa' quem.

João 12:48

Wari' co tomi' in pin napa' ma', co om howa nain oro ca tomi' ne ca', ame hwe e'. Aram aram mam' pe wet tarain oro ca tomi' ne pain xec nein ca pi' pin ta' ne macan' ta. Tomi' ac xucun tara: Je xi howa tain oro ca tomi' nucun pane ac xucun tara, querec pin' ac xucun tara pain ca na e' ne pain ca mao cain cote ne xe. Ac i ma' tara ca ac juiz ne oro ca tomi' ne ca', pain ca to' querec pin' ton con pain ca caracat nucun ta.

João 13:20

Je ca tomi' xuhu' ca', tomi' iri'o' inuhu' ta ac caparut na. Wari' co tomi' querec te non co hwet roron oro wari' ta ta' cwa', tomi' querec te napa' quem. Wari' co tomi' querec te napa' ma', tomi' querec te non co cwain co hwet roron oro wari' pain macan' ta napa' quem na ca tomi' caparut pane.

Atos 5:4

Om ca mene main pain ca om vender querec main ra? Mene main ma' ira. Vender pin iri main ne, om ca mene main dinheiro nein quem ra? Mene main quem. Mo xi pe ho' pi' pin tarapa' ta main, je xi om mi' qui' maparut pain? Cain' cain' xima quem? Para wara coromicat an pe xo' main ca mixein wa ma', pain ca mixein toton maparut ma' quem? Om ca warut ne co mixein ma ma'. Mixein mon Iri' Jam ta. Ac i ma' na ca tomi' con ma'.

Gálatas 4:14

To' i'ina tamana paxi' inuhu' pain ca caxi ne pane. Ane om tomi' napat mahu' ne, om ca noc camain' mahu' pane. Tomi' querec te e' mahu'. Ac ca tomi' querec te hun jam co taramaja mi' non Iri' Jam na pain ca tomi' querec te mahu' pane. Ac ca tomi' querec te hun Cristo Jeju na, ac i ma' na ca tomi' querec te mahu' pane.

1 Tessalonicenses 4:8

Je ca tomi' urut pahu' ca': Mo ta tomi' in pin hwein ca xirao' mi' urut pahu' ca', om ca wari' ca co tomi' in pin hwe. Tomi' in pin hun Iri' Jam co mi' nuhu' pain Iri' Tamataracon ca ara awi e' ma'.