Lucas 10:14 - Tradução Bíblica Pacaas Novos

¹⁴ Wap toton iri totoron oro caracat Iri' Jam ne, wap tamana pan ac cuhu' tara quem. Wap pije' totoron oro caracat co to nanain Tiro je Sidom pain cara pane. Wahu' iri na ne, pain ca to hwein Corazim je Betsaida ma', wap tamana ac cuhu' tara.

Lucas 10:14 Iomraidhean Croise

Mateus 10:15

Je ca tomi' xuhu' ca', tomi' iri'o' inuhu' ta ac caparut na. Maqui' iri tara xec nein ca wap toton oro wari' pain ca caracat nucucun Iri' Jam ne, wap tamana ac cocon tara co om tomi' querec te nunuhu' pain ca pijim' nuhu' ma'. Wap paxi' totoron oro wari' nein Sodoma cocon oro wari' nein Gomorra co caracat tamana nana pain cara pane. Ane wap tamana pan ton cocon oro wari' co om tomi' querec te nunuhu' pain ca pijim' nuhu' ma' ne, ac i ma' na ca tomi' caparut ma'.

Mateus 11:21

Wa inuhu' me oro wari' co to nanain Corazim ma'! Wa inuhu' me oro wari' co to nanain Betsaida ma' quem! Ximin hwe. Wap tamana turuhu' Iri' Jam ta. An hwet mi' paxi' inuhu' pain ca hwara' opa ne ca', querec paxi' mahu' pain ca ara tain oro ca om ara taxi' ne ca wari' wa ca'. Ane om cwirin' je ha' hwe ne. Mo xi an hwet mi' ac i ma' toton pain ca hwara' opa ne oro caracat co to nanain Tiro je Sidom cara pane, wara cwirin' pin ac caca xira pain cara pane, wara to ac cocon xira caxicon wom, wara maxoc pa' ac xucucun xira pain topacon pain winacocon pain ca an hwet pe cacain ca cwirin' pin cacain ca pan teretem nucucun pane quem, ac i ma' paxi' xirara pane.

João 3:19

Je ca tomi' mi' tococwa pain ca wap wa ma'. Hwet paxi' inonon pain ca ac naran ta' ca'. An hwet mi' paxi' inonon pain oro ca iri'o' wa con Te ma', pain ca noc cain ca caracat wa ma'. Ane noc cacapa' ne. Param e' nanain ca jitacat nein xim. Xi caracat ara caca ta.

Romanos 2:1

Je ca tomi' xuhu' ca'. Taxi' urun Iri' Jam pain ca wap mip cocon oro wari' co pan teretem ac i ma' nana ma'. Na e' na pain ca wap cocon quem. Je ca tomi' xuhu' ca', tomi' inem pain ca tomi' em' momon oro xucucun wari' co pan teretem nana ma'. Tomi' em' iri momon pain ca pan teretem nucucun ne, tomi' em' pan ac xijem na quem, xi an xiho' ara momon pain ca pan teretem nucucun ta. Om ca nain ho' ac xijem pain ca pan tem nem ta.

Romanos 2:27

Noro ron wari' co om judeu ma', co om wac xirac wa pain taparinain ca xirac nucun ma'. Mo ta tomi' ha' cain ca xirao' nucun Moisés ma', to' querec pin' ac quem tara pain ca pan tem nem ma'. Xi tomi' ha' ma ta. Taxi' paxi' main ca xirao' nucun Moisés ma'. Wac xirac paxi' main taparinain ca xirac nem ma'. Ane om tomi' ha' ma ne.