Lucas 1:78 - Tradução Bíblica Pacaas Novos

⁷⁸ Ac i ma' xim napari' Iri' Jam nexi', xi xiram pa' tamana ara capari' ta. Je ca mam' xim capari' con wari' nucun co an xiho' non xina pain ca xo' hwet pin nucun pain xo' xec. Maqui' toron Iri' Jam co pe nain pawin.

Lucas 1:78 Iomraidhean Croise

João 3:16

Xi noc cuhu' Te Iri' Jam ta ac con na. Om ca noc camain' cuhu' pain ca wari' nuhu' ma'. Je ca tomi' ca' cuhu' pata': Mi' xuhu' con Panxita' co xica' xat cwa'. Ma' ta om mama' cacain cote ne xe oro wari' co howa nonon ta nuhu' pata'. Ma' ta e' cara caca nuhu', ma' ta to ho' to ho' xam' cacapa' ta nuhu'.

Efésios 5:14

Je cwerein pain ca toha mi' xin capari' naran ma'. Querec pin' xin. Je ca xirao' pe xine pain capijacon Iri' Jam. Wum ma', co ac ca pi'am ma na, querec ra e'! Wum ma', co ac ca mi' pin ma na, e' pin ra e'! Toha mi' ac quem tara naran nucun Cristo ta. Ac i ma' na ca xirao' pe nein.

Filipenses 1:8

Mija na ca coromicat xuhu' ta, jain jain inuhu'. Tomi' iri'o' ina, taxi' napa' Iri' Jam pain ca coromicat tamana xuhu' ca'. Tomi' querec te tamana inuhu'. Win ne ca tomi' querec te tamana cuhu' Cristo Jeju cwa', ac i ma' na ca tomi' querec te xuhu' ca'.

Filipenses 2:1

To' hwara' opa napari' Cristo, xi om ne ca win cwere ara xun ta. Ta noc xujuhu' me napari'. Jao jao ma' xijexi' pain ca pe ho' capari' Tamataracon Iri' Jam. Xiram pa' tamana napari' quem.

Colossenses 3:12

Tora' nuhu' Iri' Jam, iri' wari' ne nuhu'. Om ca noc camain' cuhu'. Je ca hohot ne pain ca xiram pa' tamana xujuhu' ma'. An hwet mi' xujuhu' pain ca awi wa. Ta xec xec hwe me ta. Tomi' wixite xujuhu'. Tomi' pan hot xujuhu' quem.

2 Pedro 1:19

Je ca taxi' xuxun oro profeta pain ca pijim' xo' nucucun pane quem. Iri'o' na ca pijim' nucucun, om ca tara ta'a camain' xuxun. Awi na pain ca taraju wet hwein ca pijim' nucucun quem. Xi an xiho' ara nein naran ca toha pe nain xim ta. Toha toha xec pa' ac cuhu' tara, hwet pa' ac cuhu' tara pijo' nein xo' xec pain xumuhu' ma'.

1João 3:17

Wari' co ma' non oro carawa ma', mo ta taxi' con win howa ca pain ca ximin ca ma', pain ca om con carawa ma', mo ta om xiram pa' con quem. Ma' tara ca an xiho' cara ac con Iri' Jam pain ca om noc capari' ra? Om na ta.

Apocalipse 22:16

Wata' pain ca Jeju ta' ca', mam' inuhu' con jam co taramaja mi' napa' ma'. Tomi' hwet roron pain oro carawa ca maqui' pa' toton nonon pain ca cut in taxipa' xucucun pain ca howa cacapa' ta inon pahu'. Wata' co iri' winacon taramaxicon Davi co tomi' pe ca Iri' Jam pain cara pane. An xiho' inon pijo' co toc meremem mip ma', co hwet na pain xo' xec. Ac i ma' na ca tomi' ca Jeju.