Lucas 1:76 - Tradução Bíblica Pacaas Novos

⁷⁶ Je ca tomi' xim ca' arain ac con na panxica. Hwara' pin iri ra ne, iri' profeta nucun Iri' Jam co Iri' Taramaxicon pan ta ac ma tara. Xi wara o ta' ara ma con Taramaxicon nexi' ta. Tomi' xo' ac momon tara oro wari' con, ma' ta winim' xo' cocon. Ac ca wara ara xo' main wanaxicon tara pain ca tomi' xo' momon ta.

Lucas 1:76 Iomraidhean Croise

Mateus 14:5

To' pa' pin ton paxi' na, ane jin' tococwa oro wari' ne. Mo ta to' pa' pin ton, mana' tatarapa' ta tata. Xi om ne ca profeta na ta ara cocon João pane.

Mateus 21:26

Mo ta mi' non pain wari' xun. Cain' cain' xixi' quem? Jin' ara xi' ururun oro wari' cwa'. Xi profeta na João profeta na João pi' pin ara caca ta nana pain ca tomi' xo' xucucun ma'.

Mateus 3:11

Ja' inuhu' pain com, xi om ne ca cwirin' pin ara hwe ta ac tococwa na. Wara maqui' paxi' ina, ane maqui' ta' pa'ao' ca xucun co hwara' opa tiquin' ca' napa' ne. Iri' wari' na quem. Om ca hohot ne pain ca quep xiho' camain' ton pain ca cut mi' ton pain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta.

Mateus 3:3

Wirico João co xirao' pe ca profeta Isaías cara pane. Ca' na ca xirao' pe nucun pane: Ma' na wari' co merem pe nain mahweri. Wara quep xo' mi' jun pain wana Taramaxicon nuhu'. Quep tan pan mi' jun pain wana ta. Ac i ma' na ca xirao' pe nucun Isaías pane.

Marcos 11:32

Mo ta mi' non pain wari' xun. Cain' cain' xixi' quem? Om ca tomi' ac xin i ma' ta nana. Jin' ara xi' nonon oro wari' oro taramaxicon ma', xi iri' profeta na João iri' profeta na João pi' pin ara caca ta.

Lucas 1:32

Hwara' opa tamana tara, Iri' Panxica Iri' Jam co hwara' opa tamana pan. Mi' toron pain ca taramaxicon pe cain maxicon co iri' hwanana ne non Davi cara pane.

Lucas 1:35

Om na, quiji' hwet terem Tamataracon Iri' Jam ta Maria ac cam na. Pe ho' terem ca hwara' opa nucun Iri' Jam co Iri' Taramaxicon pan. Je ca iri' wari' nucun Iri' Jam ta' ca pije' co pan' ta' ma' pum. Iri' Panxica Iri' Jam ta totoron quem nam.

Lucas 6:35

Je ca tomi' xuhu' ca': Ta noc huhun co noc nunuhu' ma' me. Xiram pa' jujun. Mo ta wajim' cucuhu' pain oro carawa ma', mi' ac huhun pain tara. Ta main mi' in hwet tatarapa' pain hwe me. Main mi' ac cuhu' tara pain oro ca awi tamana Iri' Jam. Querec pin' ac cucuhu' tara oro wari' pain ca an xiho' huhun Iri' Jam co Iri' Taramaxicon pan. Xi xiram pa' ara cocon oro caxicon wari' Iri' Jam ta. Oro wari' co om tomi' querec te taxi' nana pain ca cut caca carawa ca awi, je i ma' ira, xiram pa' pan nonon Iri' Jam ta. Oro wari' co pan teretem nana ma', je i ma' ira, xiram pa' pan ac cocon na quem.

João 1:23

Wata' co xirao' pe ca profeta Isaías cara pane ac tococwa na. Ca' na ca tomi' ca pane: Wata' co merem pe nain mahweri. Quep tan pan mi' jun pain wana Taramaxicon nuhu' inonon oro wari'. Ac i ma' na ca tomi' tococwa ma'.

João 1:27

Wirico co wara tomi' hwet xuhu' pane. Tomi' ca' inuhu': Wara maqui' ina. Maqui' ta' pa'ao' na xucun na ca tomi' xuhu' con pane. Iri' wari' na. Om ca hohot ne pain ca tacom' mi' ton pain macorinain caji caximacon ma', xi iri' wari' ta' ta na ca tomi' tococwa ma'.

João 3:28

Taraju mahu' pain ca tomi' xuhu' pane: Om ca wata' ne co Cristo ta, ac i ma' na ca tomi' xuhu' pane. Tomi' e' napa' Iri' Jam pane: Wara o ron ta napa', ac i ma' na ca tomi' capa' Iri' Jam pane.

Atos 16:17

Win quima iri naparut ne, ja' ja' ac caparut na. Ca ja' ja' caparut ma', ca merem merem cama ma' quem. Ca' na ca merem cama parut: Mon tarama' cwa', taramaja mi' nonon Iri' Jam co Iri' Taramaxicon pan ta. Pijim' hwet nunuhu' pain ca to' witan pin xim cuhu' ta na ca merem nequem.