Lucas 1:75 - Tradução Bíblica Pacaas Novos

⁷⁵ Iri' wari' ne toton, mi' toton pain ca hohot cara cacapa', mao ac ne ma' tara cocon ta non pari', ac i ma' na ca wara tomi' pe con hwanana nexi' Abraão pari' pane ta na Zacarias.

Lucas 1:75 Iomraidhean Croise

Mateus 1:21

Pan' qui' ac ca tara cawinacam. O' ma' ac mon tara, Jeju ac mon tara. To' witan toton ara xi' nonon oro win ma' ca ma', mi' toton ara xi' nonon pain ca witan ca' cacain ca wap wa pain ca caracat nucucun quem na ca tomi' con ma'.

Lucas 1:74

To' witan toton waram winam ta non pari'. To' witan ca' toton pain ca hwara' opa nucucun oro wari' co noc nonon ta non pari'. Mi' ac toton tara pain ca quereme caca pain ca tomi' ha' xim cacapa' pain ca taramaja mi' xim cacapa' ta non pari'.

Efésios 1:4

Wara tora' napari' Iri' Jam pain cara pane, pain ca om tomi' ma' querec qui' cain macan' je oro carawa pane. Xi om ne ca win cwere ara xun Cristo ta. Tomi' ca' napari' pane: Iri' wari' ne inuhu'. Om ca ma' camain' cuhu' ca caracat wa pain ca querec joc mam' mi' xuhu' con Panxita' cwa' ta napari' pane. Om ca noc capari'.

Efésios 2:10

Wirico ara xi' na Iri' Jam co to' xocoricon wari' pin napari' pain ca win cwere pin xun Cristo Jeju. Ma' ta ara hwein ca awi wa ca wara coromicat an pe mi' xuhu' pane napari' pain ca ara tatarain ta capari' pain cara pane.

Efésios 4:24

Tomi' ca' urut pahu' pane quem: Param jein ca xocoricon wari' wa. Ac ca to hun xocoricon wom ma' tara pain ca param hwein ma'. Wirico Iri' Jam na co ara mi' nuhu' pain. An xiho' xun pain ca om caracat camain' nucun pain ca iri'o' nucun ma' quem.

1 Tessalonicenses 4:1

Tomi' xun urut pahu' pain i ca' quem xere. Wara hu urut pahu' pain ca xuruxut xo' je, ma' ta hohot hun Iri' Jam ta urut pahu' pane. Querec pin' paxi' urut pahu' pain ca tomi' ha' maparut quem. Xuruxut xo' hwe ma' ira. Ane hu ca' urut pahu' pain xocori ca' ne. Win ne ca tomi' jujun caparut Taramaxicon nexi' Jeju cwa'. Xuruxut xo' cara je me urut pahu'. Win xumu win xumu tiquin' jein ca xuruxut xo' wa ta urut pahu'.

1 Tessalonicenses 4:7

Xi quep jem xequem narima' capari' pain ca xo' howa xine capari' pain ca tarama' nexi' Iri' Jam ta. Om ca quep ne jun xucun tarama' tacacama oro narima' ma' quem. Xuruxut xo' je, hohot xine pain ca wari' ne xuhu' ta capari' pain ca xo' howa xine capari' ma' ira.

2 Tessalonicenses 2:13

Je ca tomi' urut pahu' ca' xere. Om ca noc cuhu' Taramaxicon nexi'. Na e' na pain ca tama' tomi' querec te urut con Iri' Jam pahu'. Xi om ne ca wara tora' qui' ara cuhu' pain cara pane, pain ca main to' witan xuhu' ta qui' cuhu' pane. Mam' to' witan nuhu' pain ca hwara' opa nein Tamataracon ma', ca to' hohot pin nuhu' ma'. Mam' to' witan nuhu' pain ca howa nuhu' pain ca howa hwein capijacon ca iri'o' ma' quem.

2 Timóteo 1:9

Wirico co to' witan napari', wirico co tora' napari', iri' wari' ne napari' quem. Om ca mam' to' witan capari' pain carawa ca awi ca ara xi' paxi' iri', om na. Mam' to' witan napari' pain ca param pan nucun. Mam' to' witan napari' pain ca xiram pa' pan capari' quem. Om xi xiram pa' capari', xi iri' wari' iri' ta. Ane wara xiram pa' qui' capari' pain cara pane ne, pain ca om tomi' ma' pin querec cain macan' pane, wara coromicat an pe xo' mi' napari' pain ca xiram pa' nucun. Main to' witan turuhu' Cristo Jeju cwa' napari', ac i ma' tara ca xiram pa' xuhu' ta napari' pane.