Lucas 1:74 - Tradução Bíblica Pacaas Novos

⁷⁴ To' witan toton waram winam ta non pari'. To' witan ca' toton pain ca hwara' opa nucucun oro wari' co noc nonon ta non pari'. Mi' ac toton tara pain ca quereme caca pain ca tomi' ha' xim cacapa' pain ca taramaja mi' xim cacapa' ta non pari'.

Lucas 1:74 Iomraidhean Croise

Lucas 1:71

Ca' napari' cocon pane: Main to' witan ca' xuhu' cocon oro wari' co noc nunuhu' ma' napari'. To' witan ca' xuhu' pain ca hwara' opa nucucun napari'.

Lucas 1:73

Je ca wara tomi' pe con iri' hwanana nexi' Abraão cara pane.

Lucas 1:75

Iri' wari' ne toton, mi' toton pain ca hohot cara cacapa', mao ac ne ma' tara cocon ta non pari', ac i ma' na ca wara tomi' pe con hwanana nexi' Abraão pari' pane ta na Zacarias.

Romanos 6:22

Ane to' witan pin cuhu' Iri' Jam pain xocori ca' ne. Witan ca' hwein ca caracat wa. Wari' nucun Iri' Jam pin hwe, taramaja mi' e' hun Iri' Jam. Mi' ac cuhu' na pain ca awi wa pain ca iri' wari' ne pin cuhu' ca', ac i ma' na ca quep xiho' cuhu'. Aram aram mi' ac cuhu' tara pain ca om pi' ra ha' ne ca e' wa quem.

Romanos 8:15

Xi mi' ara capari' pain Tamataracon ta. Tamataracon ca mi' capari' ca', om ca mi' capari' pain ca in hwet xin ca tama' jin' nexi' pain ca an xiho' mami' xun wari' co jin' non taramaxicon nucun ma', om na. Mi' iri napari' pain Tamataracon ne, je ca to' mana panxica Iri' Jam pin capari'. Je ca ha' capari' pain ca Te pin xun Iri' Jam cwa'.

2 Timóteo 1:7

Ta taramaja jin' ma me. Xi mi' capari' pain ca jin' wa Tamataracon Iri' Jam ta. Mi' iri napari' pain Tamataracon ne, to' hwara' opa ac capari' na, mi' ac capari' na pain ca om noc xijexi', mi' ac capari' na pain ca coromicat xo' wa quem, pain ca om ara e' xin ca param nexi'.

Hebreus 2:15

Mi' pin ina, ma' ta to' witan ca' xuhu' pain ca jin' hwein ca cono' wa ta napari' quem. Ac ca quep xat capari' na ca cono' wa ira, xi om ne ca jin' taxipa' jin' taxipa' cara ara xin pain ca e' e' wet nexi' pain xocori ca' quem.

Hebreus 9:14

Ac i ma' na ca hwara' opa ne quinain oro carawa ma'. Hwara' opa paxi' na quinain oro carawa, ane hwara' opa tamana pan ne quicon Cristo ne. Hwara' opa tiquin' ca' nain quinain carawa, xi om ne ca awi tamana ara ca Cristo ta. Om ca em' camain' ca. Ha' non pain ca mi' pan xucun con Iri' Jam pane, xi quep xiho' pan ara con Tamataracon ca e' cara ta. To' hohot pin napari' quicon. To' om pin nain ca em' nexi' pain ximixi' pain ca coromicat nexi'. To' om pin nain ca toron ne ximixi' pain ca caracat nexi'. Om ca to' i'ina mami' capari' oro ca ara nexi' ca to' cono' pin napari' ca'. Ha' pin ac capari' na pain ca in ac xun Iri' Jam co e' cara quem.

Apocalipse 2:10

Ta jin' hwein oro ca jain jain wa ca maqui' pa' xim nuhu' con Caxicon Jam me ta. Ma' tatara oro win ma' nuhu' co wixicao' mi' ca pain xirinain ca tao' to tao' to to wa, quep em' querec ac tococwa tara, am an pe pin xin hwein ca howa nuhu' ta ac tococwa tara quem. Ma' 10 tara xec pain ca jain jain xi' hwe pain ca quep em' xim cuhu' Caxicon Jam. Win xumu cara xine me. Mo ta to' parapa' pin xim cucuhu' pain ca howa mahu' ma', je i ma' ira, to' parapa' pin ma' tatarapa' ne ac huhun tara. Mi' pan ac xuhu' tara pain ca om pi' ra ha' ne ca e' wa ta.