Lucas 1:66 - Tradução Bíblica Pacaas Novos

⁶⁶ Cain' cain' ta' ca pije' cwa' ne ac xucucun na co taraju nana ma'. Cain' cain' ta' ca pain ca aram aram hwara' pin nucun quem na ca tomi' xucucun ma'. Xi querec pin' ara cocon pain ca pe ho' con ca hwara' opa nucun Taramaxicon nexi' ta.

Lucas 1:66 Iomraidhean Croise

Lucas 1:80

Hwara' hwara' ac ca na pije' ma'. Ca hwara' hwara' ca ma', ca hwara' opa pin ca pain ximicon ma' quem. Pe taxipa' nain mahweri pane. Pe pe maqui' pa' ac con na xec nein ca pijim' pin cocon oro wari' pane quem.

Lucas 2:19

Maria ma' iri na ne, mam' pe wet cara ac camain na oro ca taraju cama ma', ca tomi' hwet cacam caram ma' co querec wet taxipa' nanain ovelha nucucun ma'. Om ca ji'am pin camain. Tama' coromicat e' nain.

Lucas 2:40

Hwara' hwara' ac ca na pije' ma'. Ca hwara' hwara' ca ma', ca hwara' opa pin ca ma', ca ximicon hwanana ca ma'. Quep xiho' non Iri' Jam, tama' ara mi' non pain oro ca awi wa quem.

Lucas 2:51

Hwet ac tacacama na, xuruxut xuruxut in mama' ac cacamain na Nazaré. Tomi' ha' nanam quem. Jicon ma', om ca ji'am pin camain i ma' ca ara ne con cawinacam ma'. Mam' pe wet cara nain.

Lucas 9:44

Taraju wet xine pain ca tomi' xim xuhu' ca' tata. Iri' Wari' paxi' ina. Ane ma' ca wari' co tomi' mi' xim napa' cocon oro co noc nanapa' ne. O mi' ac cacapa' tara cocon oro co to' pa' pin xun nanapa' ma', ac i ma' paxi' na ca tomi' tococwa ma'.

Atos 11:21

Quep xiho' tamana pan nonon Taramaxicon nexi' quem, pain ca mi' cocon pain ca pijim' hwara' opa wa ma'. Howa mija ac caca na oro wari' co om judeu nana quem. An to pin nanain ca wara howa ximama' nucucun, howa pin ac cocon na Taramaxicon nexi'.

Colossenses 1:5

Howa hun Cristo Jeju, tomi' querec te huhun oro wari' nucun Iri' Jam quem, xi om ne ca howa ara hun pain ca an to xo' mi' cuhu' pain oro ca awi wa pain pawin cain. Wara tomi' hwet xihwe pain pane, taraju hwein cocon co tomi' hwet nunuhu' pain capijacon Iri' Jam ca iri'o' ma', ca tomi' hwet cucuhu' con Jeju co to' witan xim napari' ma'.