Lucas 1:65 - Tradução Bíblica Pacaas Novos

⁶⁵ Jin' jin' pi' pin ac cacama na oro win ma' cacama pain ca querec pin' cocon Iri' Jam pain ca hwara' opa tamana nucun. In ac nanain oro ca ara ne con Zacarias con panxica. Tomi' hwet tomi' hwet pi' pin ac tococwa na pain oro wari' co to nanain oro cidade ma', je pain ca tamaja pan ne macarain Judeia ma' quem.

Lucas 1:65 Iomraidhean Croise

Mateus 2:1

Pan' pe nain Belém Jeju, pain macarain Judeia ma'. Je ca pan' pe ca pane. Pain ca taramaxicon taramaxicon wet ca Herodes pane, je ca pan' qui' ca Jeju. Om om, maqui' ac caca na caram ma' co noro taxipa' nonon oro pijo'. Maqui' nanain pira pain ca maqui' ac ca xina. Xuruxut xuruxut hwet ac cacain na Jerusalém.

Lucas 1:39

Om ca pain homa ne, mao ta' ta ac cama na Maria, mao hap ac camain na wijimain cidade pain oro ca tamaja pan ne macarain Judeia cain.

Lucas 2:18

Oro wari' co taraju nanain ca tomi' nucucun ma', wa wa wa wa pi' pin ac caca na.

Lucas 5:26

Wa wa wa wa pi' pin ac caca na oro wari' ma'. Awi na Iri' Jam ta nana. In ac tamana nonon Jeju pain ca querec pin' cocon pain ca hwara' opa ca ma'. Awi tamana na oro ca querec iri' pain xec ca' nana quem.

Lucas 7:16

Jin' tamana ac caca na oro wari' ma', in ac nonon Iri' Jam pain ca awi na awi na cocon ma'. Pe ho' pin napari' profeta co hwara' opa cwa'! Hwet pin capari' Iri' Jam pain ca xiram pa' toton capari' pain ca wari' ne capari' ca' ira! Ac i ma' na ca tomi' caca ma'.

Atos 19:17

Taxi' ac cocon na oro wari' co to nanain Éfeso ma'. Ca judeu nucucun, ca om judeu nucucun quem, taxi' taxi' pi' pin ac cocon na. Jin' jin' pi' pin nana. In ac tamana nanain wixicon Taramaxicon nexi' Jeju quem. Hwara' opa tamana na xin ne nanain.

Atos 2:43

Mi' tata pain ca hwara' opa wa oro apóstolo pain ca ara cacain oro ca om ara taxi' ne ca wari' wa quem. Je ca jin' tamana caca oro wari' ma', pain ca in ac tamana cocon Iri' Jam ma', pain ca querec pin' cocon pain ca hwara' opa nucun ma'.

Atos 5:11

Jin' jin' pi' pin ac caca na co howa nonon Jeju ma'. Oro wari' co taraju nanam pain ca cono' pin nequequem ma', jin' jin' pi' pin ac caca na quem.

Atos 5:5

Taraju iri nain i ma' Ananias ma' ne, ane ane mi' pin ac ca na. Mi' pin na, jao hot mao ac ca na. Oro wari' ma', taxi' iri nonon pain ca mi' pin nucun ma' ne, jin' tamana ac caca na.

Apocalipse 11:11

Ma' 3 pin iri na xec pain ca to' parapa' pin tococwa ne, je pain ca tocon xina pa' pin tococwa pain xijein xec quem, huco' mi' pan ac cocon na pain iri' ca e' nucun Iri' Jam. Tequi' to pin ac caca na, jin' tamana ac caca na oro wari' co querec nonon pain ca tequi' to pin nucucun. Om ca jin' pije' camain' caca.