Lucas 1:59 - Tradução Bíblica Pacaas Novos

⁵⁹ Ma' 8 pin iri na xec nucun pije' ma' ne, cut in ac xucucun na pain ca wac xirac xin taparinain ca xirac nucun ta caca ma'. O' ma' xat xun con cote ca Zacarias cwa' paxi' nana.

Lucas 1:59 Iomraidhean Croise

Lucas 2:21

Ma' 8 pin iri na xec nucun pije' ma' ne, pain ca wac xirac xin taparinain ca xirac nucun caca ma', wac xirac ac cocon na, o' ma' pin ac cocon na quem. Jeju ta nonon. Je ca wara o' ma' con jam co taramaja mi' non Iri' Jam pane, pain ca om nam' querec con jicon pane.

Atos 7:8

Tomi' xo' ac con na: Wac xirac jein taparinain ca xirac nuhu' pain ca tarama' nuhu' ta. Ma' ta querec pin' xihwe pain ca na ra mahu' pain ca tomi' xo' xuhu' ca', pain ca wara tomi' an pe xo' mi' xuhu' pain capija ca' inuhu' ta non. Aram aram wanxi' ac ca na Abraão, pan' qui' ac ca na panxica, wirico Isaque cara pane. Ma' 8 pin iri na xec nein ca pan' qui' nucun ne, wac xirac pan ac cain na taparinain ca xirac nucun. Ac i ma' na Isaque pain ca wanxi' pin con panxica Jacó pane quem, wac xirac ac cain na taparinain ca xirac nucun. Ac i ma' na Jacó pane quem. Wanxi' iri tata mana panxica co iri' hwanana nexi' ne, co ma' 12 nana pane, wac xirac ac cain na taparinain ca xirac nucucun quem, ac i ma' na ca tomi' cocon oro taramaxicon Estêvão ma'.

Filipenses 3:5

Wac xirac nanain taparinain ca xirac ne pain ca pije' ne pane, pain ca 8 pin capa' xec pain ca xo' pan' qui' ne pane. Iri' wari' nein Israel ina quem. Iri' hwanana ne nonon Benjamim waram jeo' pane quem. Iri' hebreu ina. Fariseu ina quem, tomi' ha' xo' inain oro ca xirao' nucun Moisés pane.