Lucas 1:49 - Tradução Bíblica Pacaas Novos

⁴⁹ Xi ara mi' ara capa' pain oro carawa ca awi tamana Iri' Jam co hwara' opa pan. Awi tamana pan na ta!

Lucas 1:49 Iomraidhean Croise

Marcos 5:13

Mama' jein ta ac tococwa na. Hwerehwet ca' ac cocon na, corom hwet ac cacain na caji mijac ma' quem. Mija na caji mijac. Ac ca ma' 2.000 ne na. Tamanain to pin ac ne na quem. Jein quiji' mama' ac nein na ca tamaja ne macan' ma', jein jein, wara ca' na com ma', pan corom mama' ac ne na, cono' cono' pi' pin ac ne na quem.

Lucas 1:48

Om paxi' na ca hwara' opa camain' ta' pain ca taramaja mi' ton ca'. Ane xiram pa' pan capa' ne. Param mi' nam pain ca awi wa Iri' Jam ta tatara oro wari' pata'. Mao ac ne ma' tara pain ca tomi' cara ac i ma' caca pata'.

Lucas 1:50

Xiram pa' nonon oro wari' co tomi' ha' nonon ma', co querec pin' nonon pain ca Iri' Jam nucun, pain ca xo' ma' ten qui' caca pain cara pane, xiram pa' xiram pa' wet tata waram winacocon cocon mana panxicaca pain xocori ca' quem.

Efésios 3:20

Tomi' querec te xun Iri' Jam co hwara' opa tamana ta. Ha' ha' pi' pin non oro carawa. Ha' ha' tiquin' ca' nain ca param iri' ca' con. Ha' ha' tiquin' ca' cain ca coromicat iri' ca' quem. Win ne ca hwara' opa pe ho' capari' pain ximixi' ca'.

Apocalipse 15:4

Tomi' ha' cara teterem oro wari' ta Taramaxicon Iri' Jam. In ac cara teterem quem. Xi xica' pe ara ma pain ca awi ma ma', pain ca pe ni ca' main ca caracat wa ma'. Hwet hwet xam' teterem oro wari' co to nanain oro xijein macan'. Pe torotop mi' querec te teterem. Xi om ne ca querec pin' ara quequem pain oro ca ara xo' tamana ma ma'. Ac i ma' na ca com nucucun.

Apocalipse 4:8

Tapaxu nana quem, ma' 6 ma' 6 xam' na tapaxicocon. Mija na tococon pain curucucun je pain tequipain tapaxicocon quem. Com cara nanain tamara' quem, pain xec je pain xim. Om ca maho' camain' cacain ca com wa tamara'. Com mi' ac i ca' nonon Iri' Jam: Wum co awi tamana ma', co pe ni ca' nain ca caracat wa ta Iri' Jam. Iri'o' ta, wum co awi tamana ma', co pe ni ca' nain ca caracat wa ta. Wum co Taramaxicon ne urut ta Iri' Jam. Hwara' opa pan ma. Wum co wara ma' pain cara pane, wum co ma' cara cwa', wum co maqui' ta' ma' quem. Ac i ma' na ca com mi' cara cocon Iri' Jam caram ma' co e' nana ma', co ac jam paxi' nana ma'.