Lucas 1:46 - Tradução Bíblica Pacaas Novos

⁴⁶ Tomi' ac cama na Maria: Tomi' hwet inain ca awi tamana nucun Taramaxicon ne. Maqui' nain iri' xumu ca tomi' ne ca'.

Lucas 1:46 Iomraidhean Croise

Romanos 5:11

Om ca xica' pe ne i ma' con, pain ca to' witan pin capari' ca'. Tomi' querec te iri' quem, xi ma' ara ca Iri' Jam ta. Wirico Taramaxicon nexi' Jeju Cristo co mi' napari' pain ca tomi' querec te nexi' ca'. Wirico co to' taxipa' pin napari' con Iri' Jam.

1 Coríntios 1:31

Ma' ta tomi' hwet e' hwein ca tomi' querec te nuhu' pain ca to' witan pin cuhu' Taramaxicon Iri' Jam ta napari'. Win ne ca xirao' pe xine pain capijacon pane. Ca' na con pane: Mo ta tomi' hwet tain cain ca awi wa wari' ma', tomi' hwet e' tarain ca awi nucun Taramaxicon Iri' Jam ta. Ac i ma' na ca xirao' pe xine pain capijacon Iri' Jam.

2 Coríntios 2:14

Ane tomi' querec te ton Iri' Jam ne. Ac ca tama' o mama' caparut na pain ca ja' ja' urut con ca', pain ca win cwere urut con Cristo cwa'. Wirico co mi' naparut pain ca an hwet pe urut pain ca hwara' opa nucun ma', pain ca pijim' hwet urut cocon oro wari' con Cristo cwa'. Ac ca hu xain ne na ca pijim' nuxut quem, hu xain hu xain pi' pin tata oro wari' pain ca to' querec pin' tococwa con Cristo.

Filipenses 3:3

Xi iri' wari' nucun Iri' Jam pan caca ta. Wari' pan, pain ca howa xun Cristo cwa', wari' co iri' wari' ne ca Iri' Jam ta. Tamataracon pan ca mi' napari' pain ca in ac xun ca'. Tomi' querec te pan urun Cristo Jeju co to' wari' nucun Iri' Jam napari' quem. Om ca howa camain' xin carawa ca ara pan iri' ca', om na.

Filipenses 4:4

Tama' tomi' querec te je me, xi om ne ca win cwere ara hun Taramaxicon nexi' ta. Tomi' mami' inuhu': Tomi' querec te je me.

1 Tessalonicenses 5:23

Tomi' mi' urut pahu' con Iri' Jam co mi' napari' pain ca om toron ne ximixi' ca'. Tomi' ca' urut con pahu': To' hohot mip roron pain oro ca xuruxut nucucun pum ta urut con pahu'. Mi' roron pain ca win xumu quequem pain iri' ximicocon, je pain oro ca param nucucun quem urut con pahu'. Ma' ta om ma' camain' cuhu' ca ja' tomi' em' pan cuhu' pain ca caracat wa pain ca aram aram in qui' ta' ca Taramaxicon nexi' Jeju Cristo ta urut con pahu'.

1Pedro 1:8

Om paxi' na ca querec hun Jeju pane, ane om noc hun ne. Om paxi' na ca querec hun pain xocori ca' quem, ane howa hun ne. Tomi' querec te tamana hwe con. Mija na, om ca tomi' ac xine ca tomi' querec te tamana nuhu' con ta.