Lucas 1:42 - Tradução Bíblica Pacaas Novos

⁴² Tomi' ac cama na, tomi' mip na: Tomi' querec te nem Iri' Jam ta Maria, tomi' querec te tiquin' ca' nem cacam oro xequequem narima' pain oro xijein macan' ta. Param mi' nem pain ca awi wa. Ac i ma' non cawinam co pan' ta' ma' pum quem. Tomi' querec te non, param mi' non pain ca awi wa ta.

Lucas 1:42 Iomraidhean Croise

Lucas 1:28

Hwet iri nam ne, tomi' ac cam na: Maqui' ina ta Maria. Tomi' querec te ra inem, xi om ne ca param mi' ara quem, pain ca awi wa Iri' Jam co Iri' Taramaxicon ta. Pe ho' nem quem na ca tomi' cam ma'.

Lucas 1:41

Isabel ma', taraju iri nain ca tomi' nequem ma' ne, pain ca maqui' ina ta we cama ma', meo ac ca na pije' pain monocwam, pe ho' mip ac cam na Tamataracon Iri' Jam quem.

Lucas 1:43

Je ina me! Para xiram pa' capa' Iri' Jam cwa' ne? Xi mi' ara capa' pain ca hwet mapa' pain ca jicon Taramaxicon ne ma ta.

Lucas 1:48

Om paxi' na ca hwara' opa camain' ta' pain ca taramaja mi' ton ca'. Ane xiram pa' pan capa' ne. Param mi' nam pain ca awi wa Iri' Jam ta tatara oro wari' pata'. Mao ac ne ma' tara pain ca tomi' cara ac i ma' caca pata'.

Lucas 19:38

Merem ca' nana: Tomi' querec te xun taramaxicon cwa', co mam' maqui' nain ca hwara' opa nucun Iri' Jam cwa'. Mana' mana' om pin napari' Iri' Jam. Tomi' querec te tomi' querec te pi' pin nonon Iri' Jam oro co to nanain iri' pawin cain quem na ca merem caca oro wari' ma'.

Romanos 9:5

Hwanana ne nonon Abraão con Isaque con Jacó cara pane. Wiricoco oro win ma' ne nana co nari paxi' nonon Cristo quem. Pain ca wari' nucun Cristo pane, win ma' ne nonon. Ane Iri' Jam pan ca ne. Taramaxicon pe ho' taramaxicon pe ho' pi' pin nonon oro wari'. Taramaxicon pe ho' taramaxicon pe ho' pi' pin nain oro carawa ma' quem. Tomi' an hwet cara xin ca awi nucun ta. Amém, iri'o' na ca tomi' ne ta.

Hebreus 12:2

Win xumu cara e' xun Jeju ma', xi wirico ara ca co mi' napari' pain ca howa wa pain ca xo' howa qui' xun pane, wirico co mi' xim napari' pain ca howa cara xun quem. Wixipa' paxi' nana wari' co tatatain mi' wawa pain pana ma', ane je i ma' ira ta pan ca Jeju ne. Quereme na pain ca tatatain mi' ma' tatarapa' pain ne ca pane, xi om ne ca coromicat ara cain ca aram aram tomi' querec te tamana ta' nucun pain pawin ta. Je ca pe ca pain xocori ca' quem, xao pe ho' nain iri' curucun Iri' Jam cwain.