Lucas 1:41 - Tradução Bíblica Pacaas Novos

⁴¹ Isabel ma', taraju iri nain ca tomi' nequem ma' ne, pain ca maqui' ina ta we cama ma', meo ac ca na pije' pain monocwam, pe ho' mip ac cam na Tamataracon Iri' Jam quem.

Lucas 1:41 Iomraidhean Croise

Lucas 1:15

Xi hwara' opa ta' ara ca pain ca taramaja mi' ton con Iri' Jam ta. Om ta na camain' ne pain ca toc cain ca mana' nein comi uva je oro tocwa ca mana' ma' quem. Pe ho' mip toron Tamataracon Iri' Jam, wara pe ho' mip toron pain ca xo' pan' qui' nucun.

Lucas 1:40

Corom mao ac camain na xiricon Zacarias. Maqui' ina ta we ac cam na Isabel ma'.

Lucas 1:42

Tomi' ac cama na, tomi' mip na: Tomi' querec te nem Iri' Jam ta Maria, tomi' querec te tiquin' ca' nem cacam oro xequequem narima' pain oro xijein macan' ta. Param mi' nem pain ca awi wa. Ac i ma' non cawinam co pan' ta' ma' pum quem. Tomi' querec te non, param mi' non pain ca awi wa ta.

Lucas 1:44

Taraju iri inain ca tomi' nem pain ca maqui' ina ta we mapa' ne, meo ac capa' na cawiji pain munu ca'. Xi tomi' querec te tamana pan ara ca ta.

Lucas 1:67

Ac i ca' na con Zacarias ma', cote ca João ma'. Pe ho' mip iri non Tamataracon Iri' Jam ne, tomi' hwet pan ac cain na ca tomi' ra con ma'. Ca' na ca tomi' nucun:

Lucas 4:1

Pe ho' mip iri non Tamataracon Iri' Jam Jeju ne, in ca' ac cain na Jordão ma'. An mao ac tocwa na pain cote ne mahweri. Je Tamataracon Iri' Jam pan na ca an mao non ma'.

Atos 2:4

Corom hwet corom hwet xam' ac cocon na Tamataracon Iri' Jam. Tomi' ac cacain na oro xijein ca capija wa ca om wara tomi' taxi' caca ma' quem. Je Tamataracon Iri Jam ca mi' nonon pain ca tomi' wa ma'.

Atos 4:8

Tomi' ac ca na Pedro. Pe ho' mip non Tamataracon Iri' Jam, tomi' ac tococwa na: Tomi' xim inuhu' ta oro taramaxicon. Tomi' xim inuhu' pain ca taramaxicon to ho' maparut pain ca judeu iri' ca' quem.

Atos 6:3

Je ca tomi' urut pahu' ca' xere ac tococwa na. Tora' 7 jujun co querec pin' wawa pain ca xuruxut xo' nucucun ma', je pain ca pe ho' mip cocon Tamataracon Iri' Jam ma', je pain ca xumu xo' caca ma' quem. Wahu' pan tatara co maxiram' mi' nanam pain carawa ca cao' wa ta ac urut cocon tara.

Atos 7:55

Ane noro pawin ca Estêvão ma' ne. Pe ho' mip iri non Tamataracon Iri' Jam ne, noro pawin ac ca na. Querec ac cain na ca toc meremem nucun Iri' Jam. Querec non Jeju quem, pain ca xat pe ho' cain iri' curucun Iri' Jam ma'.

Atos 9:17

Ma ac ca na, mao ac cain na xirim ca pe pan ca Saulo ma', corom mao ac ca na, quep ac con na pain winacon. Xa' Saulo ac con na. Tomi' napa' Taramaxicon nexi' Jeju pum, co hwet pa' nem pain wana pain ca maqui' nem ne. Hwet ron ta napa' pum. Ma' ta querec mami' ca, ma' ta corom hwet con Tamataracon Te ta napa' pum, ac i ma' na ca tomi' con ma'.

Efésios 5:18

Ta quep cuhu' comi uva ca mana' me. To' em' pin ara xi' napari' comi uva ca mana' ta. Param pan jein Tamataracon Iri' Jam. Pe ho' mip turuhu' ca hwara' opa nein ta.

Apocalipse 1:10

Xec nein ca mam' pe wet xine ca e' mami' ca Taramaxicon nexi' pin iri na ne, pain domingo pain cara pane, pe ho' mip ac capa' na Tamataracon Iri' Jam. Taraju ac tain na ca tomi' wa ma', pain wara ma'. Tomi' mip na. Ac ca on xine caji taracom napa'.