Lucas 1:35 - Tradução Bíblica Pacaas Novos

³⁵ Om na, quiji' hwet terem Tamataracon Iri' Jam ta Maria ac cam na. Pe ho' terem ca hwara' opa nucun Iri' Jam co Iri' Taramaxicon pan. Je ca iri' wari' nucun Iri' Jam ta' ca pije' co pan' ta' ma' pum. Iri' Panxica Iri' Jam ta totoron quem nam.

Lucas 1:35 Iomraidhean Croise

Mateus 1:18

Ca' na ca pan' qui' nucun Jeju Cristo pane. Jicon ma', Maria ma', an tam na José ira. Om ca an querec xequequem, tomi' xo' e' xequequem, nam' ac cama na. Je Tamataracon Iri' Jam ca mi' nam pain ca nam' nequem ma'.

Mateus 1:20

Pain ca coromicat coromicat wet cain i ma' ne, tohwein' ac con na jam co taramaja mi' non Iri' Jam. Wirico jam co hwet pan non pain ca tohwein' nucun José. José winacon taramaxicon Davi ac con na. Ta hehe ma cam me ta. An ram narima' nem ma', Maria ma'. Je Tamataracon Iri' Jam ca mi' nam pain ca nam' nequem ta na ca tomi' con ma'.

Mateus 14:33

In ac ac cocon na, pe torotop mi' ac cocon na. Panxica Iri' Jam ma ma' ira ac cocon na quem.

Mateus 27:54

Taramaxicon ma', cocon oro soldado nucun co querec wet nonon Jeju ma', querec iri nanain ca cocoroc ne macan' ma' ne, querec iri nanain oro ca ara ne con Jeju ma' ne. Jin' tamana ac caca na. Iri' Panxica Iri' Jam ca ma' ira nana.

Mateus 4:3

Hwet ac con na Caxicon Jam ma', co tomi' querec taxipa' pain ca caracat wa ma'. Tomi' ac con na: Ara capam' pin ximain oro pacun ca' quem. Win ne ca Panxica Iri' Jam ina ma ma' na ca tomi' querec con ma'.

Marcos 1:1

Je i ca' ca pijim' xine oro ca ara ne con Jeju Cristo Panxica Iri' Jam pain cara pane, pain ca xo' pijim' ten qui' tocwa pane.

Marcos 1:24

Cain' cain' xim maparut quem Jeju co maqui' nain Nazaré? To' om pin xim maparut ra? Querec pin' inem ta! Wum co Iri' Wari' co wara tora' ca Iri' Jam pane! Iri' Panxica ma ta! Ac i ma' na ca merem ca ma'.

Lucas 1:27

Hwet ram xojam' cwain. Ma' na wari' co an tam nam cwain, co iri' hwanana ne non taramaxicon Davi cara pane. José na wixicon. An ram paxi' non cote cama cam jicam. Ane om an querec cam ne, om ca quep querec cam tarama' quem. Maria na wixicam. Mo tomi' ram e' ac con na Gabriel Iri' Jam. Ma, mao ac ca na.

Lucas 1:34

Tomi' querec ac con na: Cain' xi nam' ac ta' quem, xi quep camain' capa' tarama' ta non.

Lucas 1:36

Nam' na ca nari nem Isabel ma' quem ac cam na. Horon pin paxi' na, ane nam' pin cama ne. Om ca nam' taxi' cama nanam oro win ma' cama ira. Ane ma' 6 pin ca panawo' pain ca nam' cama ne.

João 1:34

Querec ara xi' inain con. Je ca tomi' hwet xuhu' ca': Panxica Iri' Jam na ta inuhu' con na ca tomi' cocon João pane.

João 1:49

Taramaxicon co ca' na taxipa' capijacon Iri' Jam ac ca na. Panxica Iri' Jam ma ma' ira. Taramaxicon nucucun oro wari' nein Israel ma ma' ira na ca tomi' con ma'.

João 20:31

Oro ca xirao' mi' xuhu' ca', xirao' mi' e' inuhu' pain, ma' ta howa hun Jeju pain ca Cristo ca ma', pain ca Panxica Iri' Jam ca ma' quem inuhu'. Mo ta howa hun, om ta pi' ra ha' ne ca e' nuhu' ta.

Atos 8:36

Ca tiquin' mama' caca pain wana ma', aram aram hwet ac cacain na com ma', xuterem' ma'. Tomi' ac ca na wari': Noro ra, main ma' com ma'. Hohot na pain ca ja' mapa' pain com quem? Ac i ma' na ca tomi' con ma'.

Romanos 1:4

Pain ca Iri' Jam nucun pain ca om caracat nucun quem, Panxica Iri' Jam na quem. Wirico Iri' Jam co an hwet pe non pane, pain ca an hwet pe cain ca hwara' opa nucun pain ca to' e' mami' con pane. Taramaxicon nexi' Jeju Cristo cwa' ira!

Gálatas 2:20

Ac ca mi' pin wi ta' na con Cristo quem, pain ca mi' pin pe cain panaxicon pane. E' e' wet paxi' ina, ane om e' pan ta' ne. Wirico Cristo co e' pe ho' napa' pain cwere. Tomi' ha' e' inain ca param nucun. Pain ca e' e' wet ta' pain macan' ca', howa cara inon Panxica Iri' Jam co om noc napa' cwa', co om nain ho' xucun pata' pain ca mi' pin caho' xim ta capa' ca'.

Efésios 2:3

Je cwerexi' pane quem. Ac i ma' ac i ma' pi' pin iri' pane ira. Ara e' irin ca param ne cwerexi'. Tomi' ha' e' irin ca param pan teretem ne cwerexi' pain ca coromicat pan teretem nexi'. Wap xim napari' Iri' Jam pane quem. Win ne ca wap wap pi' pin tococwa oro wari' co pan teretem nana ma'.

Hebreus 4:15

Xi taxi' ara capari' pain ca om hwara' opa nexi' pain ca wari' nexi' ta. Ha' non pain ca xiram pa' capari', xi wara tomi' querec ximao pan ara tocwa pain oro ca caracat wa pane ta. Wirico Caxicon Jam co caracat ra caracat ra non pane, win capari' pain xocori ca' quem. Ane om caracat camain' ca ne.