Lucas 1:20 - Tradução Bíblica Pacaas Novos

²⁰ Taraju wet ne e' ac con na. Om pin ho' tara capijam ta. Xi howa mapa' pain ca tomi' ne ca', pain ca main pan' qui' tara panxima pain xec nein ca wara an pe xo' ca Iri' Jam ta xim ca'. Ame ma e', om ta tomi' mami' ac ma. Om om, maqui' pa' ac quem tara xec nein ca pan' qui' ta' ca panxima ma', tomi' mami' ac ma tara ta na ca tomi' con Zacarias Gabriel ma'.

Lucas 1:20 Iomraidhean Croise

Marcos 16:14

Aram aram hwet pa' ac tococwa na co taxipa' ca ma' quem, co ma' 11 nana ma'. Hwet pa' tata pain ca cao' nucucun. Tomi' mip ac tococwa na. Xi howa cacam co querec nonon pain ca e' mami' nucun ta. Para om howa hwe ma' quem? Om ca howa je na hwe ra tata.

Marcos 9:19

Wa inuhu' me ac ca na Jeju. Wahu' pain ca wari' nuhu' pain oro xec nexi' ca', om ca howa camain' mahu'. Pain pin paxi' na ca pe ho' xuhu' ca'. Je xi howa mahu' quem? Cain' cain' xita' quem? Ha' tara pain ca winim' cara xuhu' pain ca howa xim mahu' ra? Je i ma' ira, an qui' ron pije' ma' ta ac ca na.

Lucas 1:19

Om na ta Zacarias ac ca na. Gabriel ina. Wata' co xat pe ho' taxipa' non Iri' Jam pain ca taramaja mi' ton ca'. Hwet ron napa' Iri' Jam pum. Tomi' hwet ron pain carawa ca awi ca ara mi' ton ta' ca' napa' pum pain ca pan' qui' ta' ca panxima.

Lucas 1:21

Pain ca tomi' tomi' wet xucucun ma', winim' winim' nonon Zacarias oro wari' co hwet to nana ma'. Cain' cain' xira con ne nana. Para om om ca quem? Je xi hwet qui' cain cote ne xiricon Iri' Jam ma' quem nana.

Lucas 1:22

Aram aram hwet qui' ac ca na. Om ca tomi' ac ca quem. Cain' cain' xira con ne ac caca na oro wari'. Am hwet pa' con Iri' Jam ta, je tara con. Am tohwein' ca con Iri' Jam pain cote ne xiricon ta, je tara con ta nana. Zacarias ma' iri na ne, xiximi' nonon pain ca tomi' hwet toton paxi' cocon pain carawa ca ara non ma'. Tomi' toton paxi' na, ane om pin ne capijacon ne.

Lucas 1:45

Param mi' nem pain ca awi wa Iri' Jam ta Maria, xi om ne ca howa ara mon pain ca ara tain cain ca tomi' pe ca pane na ca tomi' cam Maria Isabel ma'.

Lucas 1:64

Xirao' pin iri nain i ma' Zacarias ne, tomi' hap pin mami' ac ca na. Ma' pin na capijacon. Awi tamana na Iri' Jam ta ac ca na.

Romanos 3:3

Ma' paxi' nana oro judeu co om howa nana cwa'. Cain' cain' xirara quem? Pain ca om howa nucucun ma', an in tarain capijacon ca wara tomi' pe pan caparut Iri' Jam pain ca ja' tomi' querec te xuhu' ta caparut pane ra?

2 Timóteo 2:13

Om paxi' tara ca ara xin ca wara tomi' pe mi' xun ca'. Ane ara pan tain cain ca wara tomi' pe mi' capari' ne. Xi na con pain ca an in cain ca tomi' nucun ta. Ac i ma' na ca tomi' ne capijacon Iri' Jam ca ca' na taxipa' iri' ca'.

Tito 1:2

Ma' ta om tara pum ta'a camain' cacapa' pain ca mi' ton toton pain ca e' cara wa ta napa' cocon. Wara tomi' pe mi' napari' pain ca e' cara wa Iri' Jam. Pain ca om tom ma' querec cain macan' pane, wara tomi' pe mi' napari' pain. Om ca tomi' mixein camain' capari' ta.

Hebreus 6:18

Je ca tomi' xuhu' ca'. Ma' 2 na ca tomi' nucun Iri' Jam ta. Om ca an in camain' cain quem. Tomi' pe mi' napari' pain carawa ca ara mi' xim capari' ma', an hwet ac cain na wixicon pain ca tomi' an pe cain quem. Tomi' iri'o' na quem, om ca mixein ac ca Iri' Jam. Tomi' ac i ma' napari', ma' ta hwara' opa hwe pain ca howa mahu' ma', pain ca wixicam mahu' pain ca winim' hwein xec nein ca ara mi' xim xuhu' pain oro ca wara tomi' an pe mi' xuhu' ca' napari'.

Apocalipse 3:19

Tomi' inain taraxicocon oro wari' co om noc ta' cwa'. Hu xo' hu xo' pi' pin inonon. Je ca tomi' xuhu' ca': Ma' tara xumuhu' me, win xumu jein ca xuruxut xo' wa, cwirin' pin jein ca caracat nuhu' ta.