Lucas 1:11 - Tradução Bíblica Pacaas Novos

¹¹ Hwet qui' ac ca na jam co taramaja mi' non Iri' Jam. Hwet pa' non Zacarias. Xat pe nain iri' cwerein pana ca mam' tom pe cain incenso ma'.

Lucas 1:11 Iomraidhean Croise

Lucas 1:19

Om na ta Zacarias ac ca na. Gabriel ina. Wata' co xat pe ho' taxipa' non Iri' Jam pain ca taramaja mi' ton ca'. Hwet ron napa' Iri' Jam pum. Tomi' hwet ron pain carawa ca awi ca ara mi' ton ta' ca' napa' pum pain ca pan' qui' ta' ca panxima.

Lucas 1:28

Hwet iri nam ne, tomi' ac cam na: Maqui' ina ta Maria. Tomi' querec te ra inem, xi om ne ca param mi' ara quem, pain ca awi wa Iri' Jam co Iri' Taramaxicon ta. Pe ho' nem quem na ca tomi' cam ma'.

Lucas 2:10

Ta jin' mahu' me ta ac tococwa na. Taraju wet xine. Tomi' hwet xim inuhu' pain ca awi wa ca xo' hwet pa' nuhu' ma'. Ja' tomi' querec te tamana turuhu'. Ja' tomi' querec te ja' tomi' querec te pi' pin totoron oro wari' quem.

Lucas 2:9

Hwet qui' ac ca na jam co taramaja mi' non Iri' Jam. Xat pe ho' nonon. Toha toha mam' pin nonon ca toc meremem nucun Iri' Jam quem. Jin' tamana nana.

Atos 5:19

Tao' to paxi' tata. Ane maqui' cain xim jam co taramaja mi' non Taramaxicon nexi' ne. Pa pin nain oro manain xirinain ca tao' to tao' to to wa ma', o hwerehwet qui' ac tococwa na quem. Tomi' ac tococwa na:

Hebreus 1:14

Cain' cain' caca oro jam co taramaja mi' nonon quem? Om ca tomi' ha' tomi' ha' pi' pin cocon Iri' Jam pain ca quep xiho' jujun oro wari' co to' witan xuxun ta tococwa ra? Je i ma' ca taramaja nucucun ma' ira!

Apocalipse 9:13

On ac cain na caji taracom nucun xucun ma', co ja' corom mao non ma', ma' 6 pin ac caca na jam co on nanain ma'. On iri nain ne, taraju ac tain na ca tomi' wa ma', ca maqui' nain ca puxu xirac nein pana ca tom tain' pe xine waraqui pana ca hu awi ma', ca mam' quep xine pain ouro ma', ca pe quima hwet non Iri' Jam ma'.