Lucas 1:1 - Tradução Bíblica Pacaas Novos

^1-3 Tomi' querec te inem pain ca xirao' mi' xim ca' aji' Teófilo. Mija nana wari' co querec nanain oro ca ara ca Jeju pane, pain ca pe ho' qui' capari' pain cara pane, pain ca xo' pijim' qui' tocwa pane. Mija nana co xirao' to nanain oro ca pijim' wa con quem. Tomi' querec ac toton na. Tomi' querec wixite inonon pain oro ca ara ne con pane, pain ca xo' ara qui' ne con pain cara pane. Xirao' xo' tain oro ca ara ne con ta ac ta' na aji' Teófilo.

Lucas 1:1 Iomraidhean Croise

Marcos 16:20

Pijim' mama' ac cacain na oro xijein macan' co taxipa' ca ma' quem. Quep xiho' tamana nonon Taramaxicon nexi'. Mi' nonon pain ca ara cacain oro ca om ara taxi' ne ca wari' wa ma'. Ac i ma' na ca to' querec pin' tococwa pain ca pijim' iri'o' nucucun pane. Je i ma'.

João 20:31

Oro ca xirao' mi' xuhu' ca', xirao' mi' e' inuhu' pain, ma' ta howa hun Jeju pain ca Cristo ca ma', pain ca Panxica Iri' Jam ca ma' quem inuhu'. Mo ta howa hun, om ta pi' ra ha' ne ca e' nuhu' ta.

Romanos 14:5

Noro jun wari' co coromicat ca' nain xec nein ca xao to wa ne ca xumu wa ca' quem. Ma' na xec ca awi tiquin' ca' nain oro xijein xec, ac i ma' na ca coromicat nucun. Xucun ma' iri na ne, coromicat ni ac ca na quem. Om na, an an ari xijein oro xec ta, ac i ma' na ca coromicat nucun quem. Je i ma' ira. Je ca tomi' xuhu' ca': Na e' na pain ca coromicat xo' xi' pain ca hohot na ca coromicat ne pi' pin xi' pain iri' ximixi' ta. Taxi' taxi' xam' xin ca howa iri' ca'.

Romanos 4:21

Querec pin' non Iri' Jam pain ca om tomi' mixein taxi' nucun quem. Om ca mixein capa' Iri' Jam ta na. Hwara' opa na. Ha' non pain ca ara mi' capa' pain ca tomi' pe capa' ca', ac i ma' non.

Colossenses 2:2

Jain jain inuhu', ma' ta hwara' opa hwe pain xumuhu' ta inuhu'. Ma' ta xica' pe ne xumuhu' pain ca tomi' querec te caracan xujuhu' ma' inuhu'. Ma' ta taraju pa' taraju pa' pi' pin hwein ca coromicat nucun Iri' Jam ca om taraju pa' hwe con Cristo ira inuhu'. Ma' ta querec pin' iri'o' hun ta inuhu'.

Colossenses 4:12

Mam' pe wet inonon ta nuhu' win ma' nuhu' Epafras cwa', co taramaja mi' non Cristo Jeju cwa'. Mija na ca tama' tomi' mi' cuhu' con Iri' Jam quem. Ma' ta ximicon hwanana caca ma', ma' ta hwara' opa caca pain ca howa nucucun ma', ma' ta om tara con ta'a camain' quequem pain oro ca param nem ca ara je momon ma' non pain ca tomi' mi' cuhu' con Iri' Jam.

1 Tessalonicenses 1:5

Xi pijim' mi' ara urut pahu' pain capijacon Iri' Jam ca tomi' hwet napari' pain ca to' witan xim capari' Cristo Jeju pane ta. Om ca capijacon wari' ne ca pijim' urut pahu' pane, om na. Quep xiho' naparut Tamataracon Iri' Jam pain ca pijim' hwara' opa urut pahu' pane. Iri'o' na ca pijim' nuxut pane quem, taxi' urut. Querec pin' maparut pain ca xuruxut nuxut pain ca to ho' urut pahu' pane quem, pain ca quep xiho' xim urut pahu' pane.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

2 Timóteo 4:17

Paca' pin paxi' nanapa' pane, ane pe ho' pan capa' Taramaxicon nexi' ne. To' hwara' opa napa' quem. Ma' ta ara ara pi' pin main ca taramaja nem pain ca pijim' main oro capija ta napa', ma' ta taraju cacain ca pijim' nem oro wari' co om judeu nana ta napa' quem. To' witan napa' quem. Om ca to' pa' pin cacapa'. Ac ca to' witan ca' capa' na con copacao' ta.

Hebreus 10:22

Je ca tomi' ca' xuhu' ca': Mam' wixicam pin xun Iri' Jam pain ca win xumu iri'o' xun, je pain ca howa mip xun ca'. Om ta tara con ta'a camain' xun pain ca xic am pin capari' pain ca caracat nexi' ta. Ac ca cam huco' mi' capari' na pain quicon Jeju pain ca coromicat pan teretem nexi' ca', ac ca hohoc xo' capari' na pain com ca awi tamana pain cwerexi' quem.

Hebreus 6:11

Param param xam' inuhu' pain ca quep xiho' quep xiho' tiquin' huhun quem. Jain jain jujun pain. Quep xiho' quep xiho' maqui' pa' ac cuhu' tara Jeju. Ma' ta om i'ina ne xumuhu' pain ca winim' xin hwein oro ca param mi' cuhu' Iri' Jam ta urut pahu'.