João 9:1 - Tradução Bíblica Pacaas Novos

¹ Maji ta ac caparut na Jeju ma', xuruxut mama' ac urut na. Querec ac con na wari' Jeju. Wara om na tocon pain ca xo' pan' nucun pane.

João 9:1 Iomraidhean Croise

Mateus 20:30

Ma' 2 ac caca na co xao to to nanain cacarain wana ma'. Om na tococon. Taraju ac caca na: Maqui' na Jeju ta, maqui' na Jeju ta nana oro wari'. Taraju iri tata ne, merem ac caca na: Taramaxicon nuxut nana, Winacon Davi nana, xiram pa' xut ta na ca merem nucucun.

Mateus 9:27

Mao ta' ta iri na Jeju ne, ja' ja' ac cocon na caram ma' co om tococon. Ma' 2 nana. Merem ac caca na: Xiram pa' xut ta Winacon Davi na ca merem nucucun ma'.

Marcos 9:21

Tomi' querec ac con na cote ca pije' Jeju ma': Cain' ca ma' ne cawaxi' pain ca pa' con tamanain quem non. Om na, wara pa' qui' non pain iri' ca pije' nucun, mao ac ne ma' na con.

Lucas 8:43

Pe nain i ma' narima' co ao tamana ma' quem. Ma' 12 na cawaxi' pain ca ao tamana cama. Pi' ca' paxi' nam dinheiro pain ca pagar cocon oro doutor ma', ane om aramao xio taxi' cacam ne.

João 5:5

Ma' na wari' co terem' pe nain i ma' quem. Carama pe na. Ma' 38 na cawaxi' pain ca carama pe ca.

João 8:59

Cut ac cacain na pacun, to' to' mi' pin xun pain pacun ta ac caca na quem. Ane xa mao ca Jeju ne. Hwet ca' ac cain na ca tao' caho' nein xiricon Iri' Jam.

João 9:2

Tomi' querec ac urut con na pain ca taxipa' urut con ca': Cain' cain' ne con wari' cwa' quem Taramaxicon co ca' na taxipa' capijacon Iri' Jam ac urut con. Para wara om ne tocon pain ca xo' pan' nucun quem? Ca caracat nucun tara ron? Ca caracat nequem jicon con cote ca tara ra na ca tomi' querec urut con ma'.

Atos 14:8

Pe nain Listra wari' co carama pe. Wara carama pe qui' nain ca xo' pan' qui' nucun pain ca pije' nucun pane. Om ca xut camain' ca.

Atos 28:4

Querec iri nonon em' oro wari' ma' ne, pain ca quio xat cain micon ma', tomi' ac xucucun na: Ac ca iri' caracat ca na co ma' ta, iri' caracat ca ma' ira. Am to' pa' pin con wari' pane. Witan ca' paxi' nain cote ne com ca', ane nain ho' pan con pain ca e' wa iri' jam nexi' co ara xo' taxipa' ma' ne, ac i ma' na ca tomi' xucucun.

Atos 4:22

Xi wara hwana ara ca wari' co quep xio pin wa pain ca ara an hwet mi' tocwa pain ca hwara' opa nucun Jeju ta. Wara tiquin' ca' nain ca 40 ne cawaxi' nucun quem.

Atos 9:33

Wa' mao iri nain i cain ne, querec ac con na wari' co carama pe. Eneias na wixicon. Ma' 8 na cawaxi' pain ca terem' e' cain wi ma'.