João 8:9 - Tradução Bíblica Pacaas Novos

⁹ Taraju iri nanain ca tomi' nucun ne, xica' mama' xica' mama' pi' pin ac caca na. Hwerehwet cain' nana co hwanana nana ma', mama' mama' pi' pin ac caca na co om hwanana querec nana quem. Xica' pe na narima' co to wet con Jeju. Tequi' xat cara ac cama na.

João 8:9 Iomraidhean Croise

Lucas 13:17

Tomi' ac i ma' iri na ne, wixipa' wixipa' pi' pin ac caca na co tomi' in pin nonon ma'. Oro wari' ma' iri nana ne, wa wa nanain oro ca ara ca ma'. Tomi' querec te nana pain.

João 8:10

Tequi' pe ac ca na Jeju. Momon caram pacara ne quem xa' ac cam na. Om pin nana co tomi' mi' nenem pain ca mi' pin ra quequem ra?

João 8:12

Tomi' mami' ac cocon na oro wari' Jeju: Wata' co Iri' Naran cwa' ta ac ca na. Toha mi' inonon oro wari' pain ximicocon ma', pain ca mi' toton pain ca taraju pa' wa oro caramaxicon Iri' Jam. Wari' co ja' ja' napa' ma', om pin na ca jitacat nein pain ximicon. Xi toha mi' ara ton pain naran ne ca mi' non pain ca e' cara wa ta na ca tomi' tococwa ma'.

João 8:2

Iri' xo' xec pin iri na ne, in mama' ac urut pain na cote ne xiricon Iri' Jam ma', pain ca tao' caho' nein ma'. Mija ac caca na oro wari' co to to mam' pin nonon Jeju ma' quem. Xao pe ho' ac tococwa na, ca' na ac tococwa na pain capijacon Iri' Jam.

João 8:3

Maqui' ac caca na oro fariseu cocon oro co ca' na taxipa' nanain ca xirao' nucun Moisés ma'. An qui' nanam caxicam narima'. Wara querec nanam pain ca quep cam xucun tarama' ira. An mi' iri nonon cam Jeju ne, xat pe rain ximijacocon oro wari' cwa' ta ac cacam na.

João 8:8

Wina quiji' mami' ac ca na, xirao' xirao' tiquin' ac cain na macan' pain micon ma'.

Romanos 2:15

Ac ca ma' cocon na ca xirao' nucun Moisés pain ximicocon, ac ca wara taxi' ximama' cacain na oro ca tomi' nein. Xi om ne ca tomi' ha' ximama' ara cacain ta. Coromicat pan ne ximicocon ma' ira. Tomi' ca' xucucun pain ximicocon pain ca coromicat nucucun: Pan tem ina ta xucucun pain ca querec pin' cacain ca pan teretem nucucun. Om ca pan tem ta', ara xo' ina, ac i ma' xucucun pain ca tomi' caho' pan xucucun quem.

Romanos 2:22

Ta quep hwem xequem narima' me ta paxi' momon. Je xi om quep qui' mam xequem narima' ma' quem? Noc paxi' main oro caji pacun ca Iri' Jam xi' ma caca oro co om judeu nana ma'. Je xi om jain jain qui' main quem, pain ca an noc xa main coximinain oro xirinain ca tomi' querec te to cacain quem?

1João 3:20

Am wixipa' paxi' iri' pain ca tomi' xun iri' ca', xi om ne ca taxi' pan ara xijexi' pain ca caracat iri' ca'. Taxi' paxi' irin ca coromicat nexi' pain ximixi' ca', ane taxi' taxi' tiquin' ca' capari' pain oro ca coromicat nexi' pain ximixi' Iri' Jam ne. Je ca ha' capari' pain ca quereme iri' pain ca tomi' xun ca'.