João 8:6 - Tradução Bíblica Pacaas Novos

⁶ Wara tomi' xo' ca' xucucun con: Tomi' querec xun e'. Mo ta tomi' pan tem ca, na ac capari' tara pain ca em' na ta xun ta nana. Ac i ma' paxi' na ca wara tomi' xo' xucucun, ane miri'om tococwa ne. Wina quiji' na, xirao' ac cain na macan' pain micon.

João 8:6 Iomraidhean Croise

Mateus 10:16

Tomi' ac caparut na: Pain ca pijim' mi' jujun pain capija oro wari' ta xuhu' ca', ac ca hwet jujun oro caxicon copacao' ta xuhu' na, xi awi caca ta. Ac oro ovelha huhun quem, xi narain ho' taxi' xujuhu' cocon ta. Je ca tomi' ca' xuhu' ca': Querec je me! Ma' tara xumuhu' cocon me. Win ca em' pain ca tama' noro xaxa' nucun pain ca om mon to wet ne winacon ma', ac i ma' je cocon oro wari' co noc nunuhu' ma'. Ane na e' ne pain ca om mana' huhun ne. Win ca xucu' pain ca om mana' taxi' ca quem.

Mateus 15:23

Tomi' ac i ma' paxi' non Jeju ma', ane miri'om cam ne. Om ca tomi' camain' cam. Xuruxut hwet ac urut con na pain ca taxipa' urut con ca', tomi' ac urut con na. In mao ra ram cam ma' ta Jeju, xi ja' ja' merem ara capari' ta. Mija a xira ta urut con.

Mateus 16:1

Xuruxut hwet ac cocon na Jeju oro fariseu cocon oro saduceu. Tomi' querec xun ta nana. Am iri'o' ca, am om iri'o' ca quem nana. Je ca tomi' cocon ma': Ara rain carawa ca to' querec pin' naparut pain ca pe ho' quem ca hwara' opa nucun Iri' Jam ta nonon.

Mateus 19:3

Ma' ac caca na oro fariseu co xuruxut hwet nonon ma'. Am tomi' xo' ca, am om tomi' xo' ca quem nonon. Je ca tomi' querec cocon ma'. Hohot na pain ca an pe ximao wa narima' ra? Om ca narain ho' capari' pain Iri' Jam ra? Ac i ma' na ca tomi' querec cocon Jeju.

Mateus 22:18

Ane querec pin' cocon Jeju ne, querec pin' nonon pain ca mixein nucucun. Ac ca iri'o' xi' ca' tara me hwe ra ac cocon na. Para tomi' querec ximama' mahu' ma'? Param mahu' pain ca tomi' pan tem wa ra tata.

Mateus 22:35

Tomi' pan ac ca na win ma' caca ma', co tomi' xo' taxi' nain oro ca xirao' nucun Moisés ma'. Tomi' querec ton e' ac ca na. Am tomi' ximao ca, am om tomi' ximao ca quem na. Je ca tomi' querec con Jeju:

Mateus 26:63

Ane tacana pe ca Jeju ne. Om ca tomi' in pin camain' tococwa. Tomi' ac con na: Wum co Cristo cwa' ra? Tomi' xo' xut e'. Xi taraju ara quem Iri' Jam co e' cara ta. Taraju nem pain ca tomi' nem quem. Wum co Panxica Iri' Jam ra non.

Marcos 10:2

Ma' ac caca na oro fariseu co xuruxut hwet nonon quem. Tomi' querec xun ta nana. Am tomi' xo' ca, am om tomi' xo' ca quem nonon. Je ca tomi' querec cocon ma': Hohot na pain ca an pe wa narima' ra? Om ca narain ho' capari' pain Iri' Jam ra? Ac i ma' na ca tomi' querec cocon Jeju.

Marcos 12:15

Cain' cain' xuxut quem? Pagar xuxun pain? Om ta pagar xuxun pain? Ac i ma' na ca tomi' querec ximama' cocon ma'. Ane querec pin' cocon Jeju ne, querec pin' nonon pain ca ac ca iri'o' xi' ca' tara me caca ma'. Para tomi' querec ximama' mahu' ma' ac tococwa na. Param mahu' pain ca tomi' pan tem wa ra tata. Je i ma' ira, mi' xine pain denário ta. Noro tain ta ac tococwa na.

Marcos 3:2

To nanain i ma' co tocojin' nonon Jeju quem. Je ca ja' noro cocon ma'. Quep xio ton tara pain xec nein ca xao to wa ne ca xumu wa ca' ra? Om ta quep xio ton ca ra, ac i ma' na ca coromicat nucucun.

Marcos 8:11

Maqui' ac caca na oro fariseu. Tomi' querec xun ta nana. Am iri'o' ca, am om iri'o' ca quem nana. Je ca tomi' cocon ma': Ara rain carawa ca to' querec pin' naparut pain ca pe ho' quem ca hwara' opa nucun Iri' Jam ta nonon.

Lucas 10:25

Om ca pain homa ne, maqui' ac ca na wari' co tomi' xo' taxi' nain oro ca xirao' nucun Moisés. Tomi' querec ton Jeju ta na. Am pijim' xo' ca, am om pijim' xo' ca, ac i ma' na ca coromicat nucun. Tomi' querec ac con na: Taramaxicon co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Lucas 11:16

Ma' nana oro xucucun co mam' pe wet ca' nonon quem: Am iri'o' ca, am om iri'o' ca quem nonon. Je ca tomi' ca' cocon quem: Ara rain oro ca to' querec pin' naparut pain ca pe ho' quem ca hwara' opa nucun Iri' Jam ta nonon.

João 8:2

Iri' xo' xec pin iri na ne, in mama' ac urut pain na cote ne xiricon Iri' Jam ma', pain ca tao' caho' nein ma'. Mija ac caca na oro wari' co to to mam' pin nonon Jeju ma' quem. Xao pe ho' ac tococwa na, ca' na ac tococwa na pain capijacon Iri' Jam.

1 Coríntios 10:9

Ma' nana co tomi' taparam' nonon Taramaxicon nexi' pane quem. Xiram pa' paxi' tata, tomi' taparam' ho' tomi' taparam' ho' ac cocon na, quio cono' pin ac cocon na caxicon em'. Om ca na ne pain ca an xiho' xuxun pain ca tomi' taparam' cocon Taramaxicon nexi' quem.