João 8:53 - Tradução Bíblica Pacaas Novos

⁵³ Hwara' opa tiquin' ca' inon xi' ma mon hwanana nuxut Abraão co mi' pin cara pane ra? Hwara' opa tiquin' ca' inonon xi' ma momon oro profeta co cono' nana pane quem ra? Cain' cain' xima quem? Tomi' xec xec a xima ta! Ac i ma' na ca tomi' cocon ma'.

João 8:53 Iomraidhean Croise

João 4:12

Manain com ca', mi' napari' pain hwanana nexi' Jacó cara pane. Wirico co toc nain cominain, toc nanain mana panxica, toc nain oro winacon pane quem. Hwara' opa tiquin' ca' inon xi' ma mon pain ca cam mi' xim mapa' pain com ca to' e' cara nain ca wari' wa ra na ca tomi' con ma'.

Romanos 9:5

Hwanana ne nonon Abraão con Isaque con Jacó cara pane. Wiricoco oro win ma' ne nana co nari paxi' nonon Cristo quem. Pain ca wari' nucun Cristo pane, win ma' ne nonon. Ane Iri' Jam pan ca ne. Taramaxicon pe ho' taramaxicon pe ho' pi' pin nonon oro wari'. Taramaxicon pe ho' taramaxicon pe ho' pi' pin nain oro carawa ma' quem. Tomi' an hwet cara xin ca awi nucun ta. Amém, iri'o' na ca tomi' ne ta.

João 19:7

Je i ma' ira ac caca na oro taramaxicon nuxut pain ca judeu urut ca'. Na e' na pain ca mi' pin ca, xi Panxica Iri' Jam ina ta ara ca ta. Wari' co tomi' ximao ac i ma' ma', mi' pin tara ta na ca xirao' nucun Moisés ta nana pain ca merem cocon Pilatos.

João 12:34

Tomi' ac caca na oro wari': Ca' na ca tomi' capari' ca xirao' nucun Moisés: Om ta pi' ra ha' ne ca e' nucun Cristo ta na. Je ca tomi' querec urut pum ca': Para tomi' ac i ma' ma ma', pain ca na e' na pain ca an piri' xat tocwa pain pana co ma' co Iri' Wari' ma' quem? Ma' tara ca mi' pin ac ca co Iri' Wari' ma' quem? Cain' ca wari' ca co Iri' Wari' ma ma' quem na ca tomi' querec cocon ma'.

João 10:33

Om ca to' pa' xim urut pum pain carawa ca awi ca ara ma ma' ac cocon na. To' pa' pin xim urut pum, xi tomi' ximao ara mon Iri' Jam ta. Iri' Jam ina ta a xima ma ron? Wari' ma ma' ira ac cocon na.

João 8:58

Je ca tomi' xuhu' ca', tomi' iri'o' inuhu' ta ac tococwa na. Wata' co wara ma' pane. Wara ma' ca' inon Abraão pain ca om pan' querec ne ca pije' nucun pane ta na ca tomi' tococwa ma'.

João 5:18

Mana' tamana pin ac cocon na. To' pa' pin xun ta nonon. Om ca mana' e' cocon pain ca om tomi' ha' nucun pain ca taramaja cain sábado ma'. Mana' nonon pain ca Te inon Iri' Jam ta ca ma'. Iri' Jam ina xi' ma na ron, ac i ma' na ca tomi' nucucun pain ca mana' nucucun ma'.

Mateus 12:6

Je ca tomi' xuhu' ca' ac tococwa na. Ma' pin ina. Wata' co hwara' opa cwa', pain ca iri' taramaxicon ta' ca'. Taramaxicon hwara' opa tiquin' ca' inonon oro co tomi' mi' nunuhu' pain oro coximinain xiricon Iri' Jam ta.

Mateus 3:9

Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne, pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca' ac tococwa na. Ha' ara xi' non Iri' Jam pain ca to' waram winacon Abraão pin cain oro pacun ca' inuhu'.