João 8:12 - Tradução Bíblica Pacaas Novos

¹² Tomi' mami' ac cocon na oro wari' Jeju: Wata' co Iri' Naran cwa' ta ac ca na. Toha mi' inonon oro wari' pain ximicocon ma', pain ca mi' toton pain ca taraju pa' wa oro caramaxicon Iri' Jam. Wari' co ja' ja' napa' ma', om pin na ca jitacat nein pain ximicon. Xi toha mi' ara ton pain naran ne ca mi' non pain ca e' cara wa ta na ca tomi' tococwa ma'.

João 8:12 Iomraidhean Croise

Mateus 5:14

Ac naran hwe quem. Win ne cidade ca pe nain tamain pacun ma'. Tom pin iri na oro naran nein ne, om ca xaraxa mami' ac ne, querec querec xam' nanain oro wari'.

Lucas 2:32

Ac naran totoron oro wari' co om judeu nana ma'. To' querec pin' totoron pain ca iri'o' ne capijam. To' querec pin' totoron pain ca wari' ne maparut quem, pain ca wari' nein Israel urut ca'. Ac i ma' na ca tomi' con Iri' Jam Simeão ma', pain ca awin con Jeju pain taparacon.

João 12:35

Tomi' ac tococwa na: Pe ho' pe ho' wet paxi' inuhu' pain ca ac iri' naran ta' ca'. Ane om pe ho' cara xim xuhu' ne. Toha mi' xut pain xumuxut ta xine pain ca pe ho' pe ho' wet xuhu' ca'. Ma' ta taraju pa' hwe inuhu'. Ma' ta om ane ane hwet pa' cuhu' ca jitacat nein ta inuhu'. Wari' co xut nain ca jitacat nein ma', om ca taxi' cain ca mao ta' nucun.

João 12:36

Howa xine pain ca ac iri' naran ta' ca', pain ca pe ho' pe ho' wet xuhu' ca'. Ma' ta an xiho' mahu' pain ca ac iri' naran ta' ca' quem inuhu' ta na ca tomi' tococwa ma'. Tomi' iri nain i ma' Jeju ne, mao ac ca na, pe ni ca' ac tococwa na oro wari'.

João 12:46

Ac naran ina pain ca maqui' tain macan' ca', toha mi' inonon pain ximicocon oro wari'. Ma' ta om to cara cacain ca jitacat nein oro wari' co howa nanapa' ta ina.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

João 3:19

Je ca tomi' mi' tococwa pain ca wap wa ma'. Hwet paxi' inonon pain ca ac naran ta' ca'. An hwet mi' paxi' inonon pain oro ca iri'o' wa con Te ma', pain ca noc cain ca caracat wa ma'. Ane noc cacapa' ne. Param e' nanain ca jitacat nein xim. Xi caracat ara caca ta.

João 7:17

Wari' co ara tain nain ca param nucun Iri' Jam ma', querec pin' ac cain tara ca pijim' ne pain ca ca' na tain capijacon ca'. Querec pin' tarain pain ca om maqui' capa' ca'. Querec pin' tarain pain ca maqui' con Iri' Jam.

João 9:5

Pain ca pe pe wet tain macan' ca', ac naran ina pain ca toha mi' toton pain ximicocon oro wari' ta na ca tomi' caparut ma'.

Atos 13:47

Je ca tomi' mip caparut Iri' Jam cwa', pain ca xirao' pe cain capijacon profeta Isaías cara pane. Tomi' ca' naparut: Ac naran ma pata'. Toha mi' roron co om judeu nana. Ma' ta taraju pa' taraju pa' pi' pin caca oro wari' pain oro xijein macan' pum. Taraju pa' tatarain capija pain ca to' witan toton ta' ca'. Ac i ma' na ca tomi' caparut ca'. Ac i ma' na ca tomi' cocon Paulo ma'.

Atos 26:23

Wara xirao' to ca' nonon pane: Jain jain tara co ma' co wara tomi' pe ca Iri' Jam pane nonon, jain jain tara pain ca to' pa' pin tocwa, e' mami' ac ca tara ta nonon. Wirico tara co e' mami' cain' ta nonon. Pijim' ac tococwa tara pain capijacon oro wari' ta nonon quem. Pijim' hwet xun tata oro win judeu iri', pijim' hwet xun tata co om judeu nana ma' quem, pain ca pijim' hwet xun tococwa pain capijacon ca an xiho' nain naran ma', pain ca to' taraju pa' tococwa pain ca to' witan xun tococwa ta nonon quem. Ac i ma' na ca tomi' con taramaxicon Agripa Paulo ma'.

2 Pedro 2:17

Oro co ca' na mixein ac i ma' xim nunuhu' ma', an xiho' e' nanain manain com ca am pin ne comi ma'. An xiho' nanain ca mixem ne tajain nanawin ca nuru om pin nain camana'. Wara an pe xo' mi' tata pain ca jitacat nein xim ta.

2 Pedro 2:4

Taxi' urun Iri' Jam pain ca wap toton cocon ma', xi xiram pa' tococwa oro jam co caracat nana pain ca taramaja mi' cocon pane. Wixicaracao' mi' tata pain cote ne man ca om tawirinain cain, ca jitacat tamana xim nein cain. Pao' to tata, to wet iri caca ma' ac tococwa na. Winim' e' jein xec nein ca wap xim xuhu' ta tata.

1João 1:6

Tomi' ca' iri iri' ne, taxipa' inon Iri' Jam ta, am tomi' ac i ma' paxi' xi' pain ca xuruxut xin ca jitacat nein xim ma', pain ca win xumu xin ca caracat wa ma', mixein ac iri' na. Mo ta xuruxut xin ca jitacat nein xim ma', pain ca win xumu xin ca caracat wa ma', mixein ac iri' na. Om ca tomi' ha' xin capijacon Iri' Jam ca iri'o'.

Judas 1:13

An xiho' nanain cote ne com ma', pain ca wap tamana ne com pain camana' ma'. Wap iri na ne, an to pin ac nein na oro homirinain pain ca toroto nein pain cacarain com pain namaji. Ac i ma' nana caram ma' quem, xi om ne oro ca pan teretem nucucun ta. Wixipa' xirara. An xiho' nonon oro pijo' co ac ni ca' nain wanaxicon quem. Wara coromicat an pe mi' tata pain ca jitacat tamana nein xim ta. To cara ac cacain i cain tara ta.

Judas 1:6

Mam' pe wet jujun oro jam co taramaja mi' nonon Iri' Jam pane quem. Taramaja mi' paxi' nonon, hwara' opa paxi' nana pane ira. Ane om ara xo' cara pan cacain ca taramaja nucucun ne. An to pin nanain, an to pin nanain ca to pan caca pain pawin cain quem. Je ca tao' to pin cocon Iri' Jam quem. Tao' to to nonon pain ca jitacat nein xim cain. Pao' to mip nonon pain arain too ca om em' ra na ma'. To wet iri caca ma' ac tococwa na, winim' e' jein iri' xec nein ca wap xim xuhu' ta ac tococwa na.

Apocalipse 21:24

Oro wari' co to nanain oro xijein macan' ma', toha mi' tata pain ca toc meremem nein cidade. Oro co taramaxicon to nanain oro xijein macan' ma', cut tan' tatarain oro caramaxicocon quem.