João 8:11 - Tradução Bíblica Pacaas Novos

¹¹ Om na ta Taramaxicon ne ac cama na. Om ca tomi' mi' xim pain ca mi' pin ra xim ca' quem ac cam na. Mao ra. Ta caracat mami' ma me ta ac cam na.

João 8:11 Iomraidhean Croise

Lucas 13:3

Om na ta, tomi' iri'o' inuhu'. Mo ta om cwirin' pin hwein ca caracat nuhu' ma', cono' cono' pi' pin ac hwe tara quem.

Lucas 13:5

Om na ta, tomi' iri'o' inuhu'. Mo ta om cwirin' pin hwein ca caracat nuhu' ma', cono' cono' pi' pin ac hwe tara quem na ca tomi' tococwa ma'.

Lucas 15:10

Je ca tomi' xuhu' ca' ac tococwa na. Tomi' querec te ac i ma' nana oro jam co taramaja mi' nonon Iri' Jam, tomi' querec te tamana nonon wari' co cwirin' pin nain ca caracat nucun. Xica' pe paxi' na, tomi' querec te tamana nonon ta na ca tomi' tococwa ma'.

Lucas 15:32

Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'. Ac i ma' na ca pijim' tococwa pane.

Lucas 15:7

Je ca tomi' xuhu' ca' ac tococwa na. Ac i ma' tara Iri' Jam cocon oro jam co taramaja mi' nonon pain pawin cain, tomi' querec te tamana tatara con wari' co cwirin' pin nain ca caracat nucun ta. Xica' pe paxi' tara, tomi' querec te tiquin' ca' totoron cocon ca 99 nucucun co wara xuruxut xo' nana ma', co wara cwirin' pin nanain ca caracat nucucun ta na ca tomi' tococwa ma'.

Lucas 9:56

Xuruxut mama' ac cacain na xijein ca paric to ne xirim quem.

João 18:36

Om na, pain ca taramaxicon ta' ca', om ca an xiho' toton oro taramaxicon pain macan' ca' ac con na. Mo xi an xiho' toton oro taramaxicon pain macan' ca', quep xiho' ac cacapa' xira co taxipa' ta'. Narain ho' xirarapa' cocon oro taramaxicon nucucun oro judeu pain ca quep xim cacapa'. Ane om an xiho' toton oro taramaxicon pain macan' ca' ne na ca tomi' con ma'.

João 3:17

Hwet roron oro wari' ta ara xi' napa' Te pahu' pane. Ma' ta to' witan momon napa' pahu'. Om ca tomi' ca' capa': Hwet roron, ac juiz ra cocon, em' hwe, xi om ne ca caracat nuhu' ta roron, om ca tomi' ac i ma' capa' pahu', om na. To' witan roron ta napa' pahu'. Je ca hwet roron capa' pahu' pane.

João 5:14

Om om, mam' mami' ac con na Jeju. Mam' pe non pain ca tao' caho' nein xiricon Iri' Jam. Taraju wet ne e' ac con na. Xio pin ma. Ta caracat mami' ma me. Ma' ta om quep quem iri' ca om awi wa. Jain jain paxi' ma pain ca caxi nem cara ne. Mo ta quep quem iri' ca om awi wa, jain jain tamana ac ma tara na ca tomi' con ma'.

João 8:15

Wahu' pain ca juiz hwe ma', pain ca tomi' xo' hun wari' pain carawa ca ara ca ma', je pain ca wum co em' ta hun ma', an xiho' e' hwein ca coromicat nein ca wari' wa ta. Wata' iri na ne, om ca em' hwe ta camain' toton oro wari' ta.

Romanos 2:4

Wa inem me. Ac ca coromicat ca' ma na: Xiram pa' tamana napa' Iri' Jam ta. Winim' cara napa'. Om ta wap hap capa', ac i ma' tara ca coromicat pan tem nem ra? Cain' cain' xima quem? Winim' cara paxi' nem. Je xi querec pin' mon pain ca awi nucun pain ca om wap hap quem ma' quem? Xiram pa' e' nem. Ma' ta cwirin' pin ma ta nem.

1 Coríntios 5:12

Cain' cain' xita' quem? Tomi' mi' xitoton pain ca wap wa pain ca caracat nucucun oro wari' co om howa nonon Iri' Jam ra? Om na ta. Tomi' mi' pan totoron pain ca wap wa Iri' Jam ta. Wahu' iri na ne, na e' na pain ca tomi' mi' pan huhun pain ca wap wa oro win howa hwe co caracat nana ma'. Je ca xirao' pe xine pain capijacon Iri' Jam pane. Ca' na con pane: Xin hwet pin jun win ma' nuhu' co caracat ma' ta. Ac i ma' na ca xirao' pe xine pane.

2 Pedro 3:15

Mam' pe wet jun Taramaxicon Iri' Jam ma', pain ca winim' cara cocon oro wari'. Ma' ta ha' cocon pain ca witan ca' cacain ca wap wa ta tata. Ac i ma' na ca xirao' mi' cuhu' cwajiri' Paulo ma', co tomi' querec te iri' ma'. Wirico Iri' Jam co mi' non pain, xirao' mi' ac cuhu' pain na quem.