João 7:7 - Tradução Bíblica Pacaas Novos

⁷ Om paxi' na ca noc cucuhu' oro wari' co om tomi' ha' nonon Iri' Jam. Ane noc cacapa' ne. Xi om ne ca pan to' ara tain taraxicocon pain ca pan teretem nucucun ta.

João 7:7 Iomraidhean Croise

Lucas 6:26

Wahu' pain ca awi na awi na pi' pin cucuhu' oro wari' pain xocori ca', main maqui' tara xec nein ca ximin tamana xi' hwe. Xi tomi' ac i ma' ara caca hwanana nucucun pain cara pane, pain ca awi nana awi nana qui' cocon oro profeta co tomi' hwet mixein e' nanain capijacon Iri' Jam pane ta na ca tomi' tococwa ma'.

João 17:14

Tomi' hwet inonon pain capijam. Je ca noc cocon oro wari' co om howa nanapa' ma'. Xi win ma' ne pan tococwa pain ca wari' nein macan' caca ta. Win ta' ca', pain ca om win ma' ne toton ca' quem.

João 3:19

Je ca tomi' mi' tococwa pain ca wap wa ma'. Hwet paxi' inonon pain ca ac naran ta' ca'. An hwet mi' paxi' inonon pain oro ca iri'o' wa con Te ma', pain ca noc cain ca caracat wa ma'. Ane noc cacapa' ne. Param e' nanain ca jitacat nein xim. Xi caracat ara caca ta.

Romanos 8:7

Je ca noc cocon Iri' Jam oro wari' co win xumu nanain oro ca param nucucun ma'. Xi tomi' ha' cacain capijacon ta. Om ca tomi' ha' taxi' cacain quem.

Gálatas 4:16

Cain' cain' xihwe quem? Tomi' xo' inuhu' pain capijacon Iri' Jam ca iri'o' ca', pain ca hu xuhu' ca'. Je ca noc pin mahu' pain xocori ca' ra?

Tiago 4:4

Cain' cain' xihwe pain ca an pe pin hun Iri' Jam quem? Om ca taraju pa' hwe ra? Wari' co win ma' ne nonon oro co tama' pan teretem nana pain ca om howa cocon Iri' Jam ma', wirico co noc non Iri' Jam.

1João 4:5

Co pijim' mixein nana ma', om ca howa cocon Jeju. Je ca pijim' an xiho' e' cocon oro co om howa nana ma'. Taraju wet pan nonon oro co om howa nana ma' quem.