João 7:6 - Tradução Bíblica Pacaas Novos

⁶ Tomi' ac tococwa na: Om ca maqui' querec capa' xec nein ca mao tain cain ta'. Wahu' iri na ne, hohot nuhu' oro xec pain ca mama' xin cain hwe.

João 7:6 Iomraidhean Croise

Mateus 26:18

Tomi' xo' ac caparut na: Xuruxut mama' jein cidade ma'. Pirao' ac hun tara win ma' nexi' cara ne. Tomi' ac hun tara: Tomi' nem Taramaxicon nexi' co ca' na taxipa' napari' pain capijacon Iri' Jam ta jun. Wixicam pin iri na ca mi' pin ta' ne ta nem ta jun. Tomi' querec te wi ta' cocon co taxipa' ta' pain carawa nein Páscoa ca' quem nem ta jun. Je ca tomi' xim ca' nem, cao' querec te to xut pain xurum ta nem ta jun quem na ca tomi' caparut ma'.

João 13:1

Wixicam pin ac ne na xec nein Páscoa ma', je i ma' xec nein ca tomi' querec te wi urut pain ca judeu urut ca'. Taxi' pin xucun Jeju pain ca maqui' pin ne xec nein ca paca' pin tain cain macan' ca', pain ca in hwet ton con Cote ca. Jeju ma', om ca noc camain' caparut pain ca wari' ne caparut pain macan' ca', je curucun mao na. Je ca an hwet mi' ho' xuhu' pain ca om noc camain' xuhu' ca' naparut.

João 17:1

Tomi' tomi' pi' pin iri naparut pain ca tomi' nucun ma' ne, noro pawin ac ca na, tomi' ac con na Cote ca. Te ac con na. Maqui' pin napa' xec nein ca mi' pin ta' ne ta. An hwet pe rain ca hwara' opa ne pain ca awi tamana ne pain ca Panxita' mapa' ca'. Ma' ta an hwet pe tain ca hwara' opa nem pain ca awi tamana nem quem.

João 2:4

Para tomi' mapa' ma' quem na' ac cam na. Om ca maqui' querec capa' xec nein ca an hwet mi' toton pain ca hwara' opa ne oro wari' cwa', pain ca ara tain ta' carawa ca om ara taxi' ne ca wari' wa ca'. Ac i ma' na ca tomi' cam jicon.

João 7:30

Quep xun paxi' nonon Jeju quem, ane om quep ac cocon ne. Xi maqui' querec ne xec nein ca wara coromicat an pe xo' ca Iri' Jam pain ca quep totoron ta con ma'.

João 7:8

Wara mama' jein ca tomi' querec te xi' hwe ma' ac tococwa na. Om ta hwet xuhu' ta. Xi maqui' querec capa' xec nein ca mao tain cain ta'.

João 8:20

Je ca tomi' ca Jeju pain ca pijim' pe cain ca tao' caho' nein cote ne xiricon Iri' Jam pane. Pijim' pe ja' pan nain pana ca to ne dinheiro ca mi' cocon Iri' Jam oro wari' ma'. Na paxi' xiroron pain ca quep pe cocon pain i ma', ane om quep cocon ne. Xi maqui' querec ne xec nein ca wara coromicat an pe xo' ca Iri' Jam pain ca quep totoron ta con ta.

Atos 1:7

Om na ta ac tococwa na. Wirico pan na Te co taxi' nain oro xec pain ca ara tain cain oro ca coromicat an pe xo' nucun. Om ca na ne pain ca taxi' pan hwein quem ac tococwa na.