João 7:41 - Tradução Bíblica Pacaas Novos

⁴¹ Ma' ac caca na oro xucucun co tomi' ca' nana quem: Wirico co Cristo ta nana. Ane tomi' in pin cocon oro xucucun ma' ne. Ma' tara ca maqui' ac cain Galileia Cristo ra?

João 7:41 Iomraidhean Croise

João 1:41

Pirao' hap ton aji' Simão ta ac ca na, mo hwet ac con na. Mam' urut con Messias ta aji' ac con na. Cristo na ca tomi' mao ne ca Messias wa pain capijaxut pain ca judeu urut ca'.

João 1:46

Ma' tara ca quep xiho' taxi' capari' wari' co maqui' nain Nazaré ra ac ca na Natanael. Hap ra. Querec ra e' ac con na Filipe.

João 1:49

Taramaxicon co ca' na taxipa' capijacon Iri' Jam ac ca na. Panxica Iri' Jam ma ma' ira. Taramaxicon nucucun oro wari' nein Israel ma ma' ira na ca tomi' con ma'.

João 4:25

Tomi' ac cama na: Maqui' ta' tara iri' taramaxicon co Messias urut, wirico Cristo ta. Main maqui' ta' tara, taxi' inon. Maqui' iri tara ne, tomi' xo' tomi' xo' pi' pin ac caparut tara pain oro ca param nucun Iri' Jam ac con na.

João 4:29

Harahap je. Querec jun wari' co tomi' hwet tomi' hwet pi' pin napa' pain oro carawa ca ara ta' pane. Om ta wirico ca co Messias ra na ca tomi' tococwa oro wari' ma'.

João 4:42

Tomi' ac cacam na narima': Howa pin urut con Jeju ta. Om ca howa e' urut con pain ca taraju urut pum pain ca tomi' hwet maparut con, om na. Howa urut con, xi om ne ca taraju pan ara urut pain ca tomi' nucun ta. Je ca howa urut con ca'. Querec pin' urut con. Wirico na co to' witan taxi' ca' nonon pain ca caracat nucucun oro wari' pain oro xijein macan' ca' na ca tomi' cacam ma'.

João 6:69

Howa urut pum. Querec pin' urut pum quem. Wum co Iri' Wari' co wara tora' ca Iri' Jam pane! Iri' Panxica ma ta! Ac i ma' na ca tomi' ca ma'.

João 7:27

Tara con, xi taxi' ara xin ca maqui' ca co cwa' ta. Maqui' iri tara Cristo ne, om ta taxi' xin ca maqui' ca. Ac i ma' na ca tomi' xucucun oro wari' pain ca i'ina ne ximicocon ma'.

João 7:31

Mija paxi' nana oro wari' co om howa nonon ma'. Ane mija caca co howa pin nonon quem ne. Tomi' ca' nana: Wirico co Cristo ta, xi ma' ca xucun co maqui' ta' ma', co hwara' opa tiquin' ca' non pain ca an hwet pe cain ca hwara' opa nucun pain ca ara taxi' cain ca om ara taxi' ne ca wari' wa ta na ca tomi' xucucun.

João 7:52

Cain' cain' ma quem? Ac ca maqui' main Galileia na ta! Mo xi noro tamana main capijacon Iri' Jam ma', taxi' ac ma xira pain ca om ma' camain' ca profeta co maqui' nain Galileia ta! Ac i ma' na ca tomi' in pin cocon ma'.