João 7:3 - Tradução Bíblica Pacaas Novos

³ Tomi' ac cocon na Jeju xurucun ma': Om xi mon to wet main i ca' ta, mao ximain Judeia cain. Ma' ta querec quequem oro wari' co ja' ja' nenem ma', tomi' querec teterem pain ca an hwet pe main ca hwara' opa nem pain ca ara main ca om ara taxi' ne ca wari' wa ma'.

João 7:3 Iomraidhean Croise

Mateus 12:46

Tomi' tomi' wet iri nonon oro wari' Jeju ne, maqui' ac cama na jicon cocon xurucun. Hwet to nana. Tomi' xun Jeju ta ac cacama na.

Marcos 3:21

Taraju iri nana oro ca nari nucun ma' ne. Cain' cain' xira ne ac caca na. Tamanain na ron! Harahap je con! O in qui' xun ta nana.

Marcos 3:31

Maqui' ac cama na jicon Jeju cocon xurucun. Hwet to nana, tomi' ron Jeju ta ac cocon na wari' ma'.

Lucas 8:19

Mo querec xun e' ac cama na jicon cocon xurucun. Hwet xun paxi' nonon, ane om wixicam ac cocon ne. Xi mija ara caca oro wari' co coco' coco' mam' nonon ta.

Lucas 8:20

Hwet to nana xerem cam jim ta Jeju ac con na wari' ma'. Tomi' xim nenem ta na ca tomi' con ma'.

João 2:2

Harahap je nanaparut. Jeju, warut, ca' urut pain ca taxipa' urut con ca', mama' ac urut na.

João 6:60

Taraju iri nanain ca tomi' nucun Jeju oro wari' co ja' ja' paxi' nonon ma' ne, ma' mija ac caca na co noc nanain ma'. I'ina a xira ca tomi' nucun co cwa' ta. Ma' tara ca howa ac tocwa ra na ca tomi' ximama' caca ma'.

João 6:66

Je ca ma' mija caca co noc pin nonon Jeju. Ja' ja' ja' ja' om pin nonon.

João 7:10

Mama' iri nanain Jerusalém xurucun ne, pain ca tomi' querec te wi xijexi' cocon oro win ma' iri' cwain caca ma', mama' xi' quem ac caparut na Jeju. Om ca taxi' cacaparut oro wari' pain ca mama' nuxut. Mama' xica' to urut.

João 7:4

Mo ta param momon oro wari' pain ca querec pin' quequem ma', om ca na ne pain ca ara noc xa ac main ca ara ma ma'.

João 7:5

Ac i ma' na ca tomi' ximama' cocon xurucun ma'. Xi howa cocon ta.

Atos 2:14

Tequi' pe ac ca na Pedro. Wirico, wiricoco oro win ma' ca co 11 nana ma' quem. Tomi' ac cocon na oro wari', tomi' mip nonon: Tomi' xo' xuhu' pain carawa ca hwet pa' naparut ta oro win judeu ta'. Wahu' quem, pain ca to hwein Jerusalém ca', tomi' xo' xuhu' pain ta. Taraju wet xine ta.