João 7:16 - Tradução Bíblica Pacaas Novos

¹⁶ Tomi' ac tococwa na: Oro ca pijim' ne ca', pain ca ca' na toton pain capijacon Iri' Jam oro wari' cwa', om ca maqui' pan capa'. Maqui' non Iri' Jam co hwet roron oro wari' ta napa' pane.

João 7:16 Iomraidhean Croise

João 14:10

Om ca howa mapa' pain ca win cwere ton Te ra? Om ca howa mon pain ca win cwere pan capa' quem ra? Oro ca tomi' ne ca tomi' xuhu' ca', om ca maqui' nein ca coromicat ne. Maqui' non Te co pe ho' napa'. Oro ca tomi' ne ca', oro ca ara ne ca' quem, wirico Te na co tomi' pan nain. Wirico co ara pan nain quem.

João 14:24

Wari' co noc napa' ma', om ca tomi' ha' cain ca tomi' ne. Oro capija ca tomi' xuhu' ca', om ca maqui' nein ca coromicat ne. Maqui' pan non Te co hwet roron oro wari' napa' ta naparut.

João 17:14

Tomi' hwet inonon pain capijam. Je ca noc cocon oro wari' co om howa nanapa' ma'. Xi win ma' ne pan tococwa pain ca wari' nein macan' caca ta. Win ta' ca', pain ca om win ma' ne toton ca' quem.

João 17:8

Xi tomi' hwet ara toton pain ca tomi' hwet roron mapa' ta. Howa nanapa' quem. Taxi' pin nanapa' pain ca maqui' xim pane. Howa nenem pain ca hwet roron oro wari' ta pan mapa' quem.

João 3:11

Warut pain ca pijim' urut pahu' ca', tomi' hwet paxi' urut pahu' pain ca taxi' nuxut. Tomi' hwet paxi' urut pahu' pain ca querec nuxut quem. Ane om howa jein na hwein ca tomi' nuxut ne. Tomi' iri'o' inem ta.

João 3:31

Jeju co maqui' pawin cain, hwara' opa tiquin' ca' nonon oro wari' pain macan' ca' ac tococwa na. Wata' pain ca wari' ta' ca' iri na ne, wari' nein macan' e' ina. Tomi' hwet e' inain oro carawa ca ara to nain macan'. Ane maqui' pan cain pawin Jeju ne. Hwara' opa tiquin' hwara' opa tiquin' xam' ca' napari' pain ca wari' nein macan' iri' ca'.

João 5:30

Om na carawa ca ara taxi' ta' pain ca param pan ne. Tomi' querec iri inonon oro wari' pain ca ac juiz ta' cocon ne, pain ca tomi' querec toton pain carawa ca ara caca ma', pain ca wum co em' ta toton ma', tomi' ha' e' inain ca tomi' nucun Te pain ca tomi' querec roron capa' ma'. Tomi' xo' e' inonon pain ca em' hwe, mama' jein cote ne xe ta toton. Xi win xumu tain ca param pan ne ta. Win xumu e' inain ca param pan nucun Te co hwet roron oro wari' ta napa' cwa' na ca tomi' cocon oro taramaxicon Jeju pane.

João 6:44

Te ma', co hwet roron oro wari' ta napa' pane, wirico co tomi' tomi' na nonon oro wari' pain ca howa jun Panxita' cocon ma'. Mo ta om tomi' tomi' na cocon pata', om ta howa cacapa'. Om om tatara oro wari' co howa nanapa' pain ca om howa jun Panxita' tococwa ma'. Co howa xim nanapa' ma', to' e' mami' ac toton tara pain xec nein ca pi' pin ta' ne macan' ta.

João 8:28

Je ca tomi' ca' tococwa ma': An piri' xat iri xine pain ca Iri' Wari' ta' ca' ne. An piri' xat iri xine pain pana ne, pain ca to' pa' pin xim mahu' ma', querec pin' ac mahu' tara pain ca tomi' iri'o' ta' ca', pain ca tomi' hwet xije pahu' ca'. Querec pin' ac mahu' tara pain ca om ara camain' tain ca param pan ne. Querec pin' ac mahu' tara pain ca tomi' hwet e' tain ca tomi' xo' capa' Te.

2João 1:9

Oro wari' co om howa cara nanain capijacon Iri' Jam ca ca' na ca Cristo pane, co tacan hwara' nanain ca coromicat pan nucucun pain ca ca' na cacain ma' quem, om ca win cwere cocon Iri' Jam. Oro wari' co howa cara nanain ma' iri nana ne, win cwere nonon Cotere', win cwere nonon Panxica quem.

Apocalipse 1:1

Je i ca' carawa ca maqui' ta' ma', ca an hwet pe ca Jeju Cristo pane. Wirico Iri' Jam co an hwet mi' pan non pain, an xin tiquin' mi' roron pain oro co taramaja mi' nanapa' pain macan' ta non. Om ta pain homa ne, maqui' ac ne tara ta non. Mam' ac capa' na con jam co taramaja mi' non ma', tomi' hwet ron pain João cwain, co taramaja mi' napa' cwain non, tomi' hwet ac capa' pain na quem.