João 7:13 - Tradução Bíblica Pacaas Novos13 Om ca hwet tomi' xucucun. Tomi' hohomu e' xucucun. Xi jin' ara tococwa oro taramaxicon ta. Faic an caibideil |
Tomi' ac con na Pilatos José. Wari' nein Arimateia na José ma'. Howa paxi' non Jeju José pane, ane om tomi' hwet cain ca howa nucun ne, xi jin' ara cocon oro taramaxicon nuxut pain ca judeu urut ta. Tomi' ac con na Pilatos José: Mi' ne pain curucun Jeju ta non. Ma, an mao rain ta ac con na. Mo hwet ac cain na, an quiji' ca' ac cain na pain pana.
Wara irawin pin na pain iri' domingo nein ca e' mami' ca Jeju ma'. Cut in ac xujuxut na pain ca taxipa' urut con ca'. Corom to urut pain xirim, tao' pa' ac urut pain na oro man ca corom ac wa ma'. Xi jin' ara urut cocon oro taramaxicon nuxut pain ca judeu urut ta. Corom ac ca na Jeju. Xat pe nain ximijaxut. Ta toron ne xumuhu' me ta ac caparut na.
Taxi' inuhu' pain ca to hwein i ma', pain ca taramaxicon pe ca Satanás ma'. Ane win xumu mahu' ne. Om ca an pe pin mahu', howa cara mahu'. To' pa' pin paxi' ta Antipas co win xumu napa' pain ca tomi' hwet capa' cocon oro wari' pane, to' pa' pe paxi' ta pain ca to pan nuhu' pain Pérgamo ma', ca pe pan ca Satanás ma'. Ane howa cara pan mahu' ne.
Hwet ton Jeju ta ac ca na, xut hwet towa ac con na. Tomi' xim inem Taramaxicon co pijim' mi' taxipa' nonon pain capijacon Iri' Jam ac con na. Taxi' urut pum pain ca maqui' mon Iri' Jam. Taxi' urut pum pain ca ca' na roron pain capija oro wari' quem pane. Xi an hwet pe taxi' ara main ca hwara' opa wa pain ca ara main oro ca om ara taxi' ne ca wari' wa ta. Mo xi om pe ho' quem Iri' Jam ma', om xi ara ac main oro ca ara ma ma' na ca tomi' con ma'.